Засега за флурона се знае малку, но она што е сигурно е дека не станува збор за нова варијанта на коронавирус. Последната откриена варијанта на коронавирусот е омикрон, а Светската здравствена организација оттогаш официјално нема идентификувано ниту една друга варијанта, иако се проверува можен нов сој во Франција.
Имено, кога во организмот истовремено ќе се појават коронавирус и вирусот на грип, се работи за болест наречена флурона. И грипот и Ковид-19 го напаѓаат респираторниот систем и имаат слични симптоми.
Според податоците на Светската здравствена организација, симптомите на грип и на Ковид-19 варираат од личност до личност, но постои група на исти симптоми кои се забележани кај заболените, пишува „Business Insider“.
Конкретно, се работи за следниве симптоми:
- губење на чувството за вкус и мирис,
- треска,
- кашлица,
- отежнато дишење,
- губење на апетит и
- постојана болка во градите.
Кога во организмот истовремено ќе се појавуваат коронавирус и вирусот на грип, се работи за болест наречена флурона. И грипот и Ковид-19 го напаѓаат респираторниот систем и имаат слични симптоми
Од СЗО велат дека благите симптоми на флурона може да се лекуваат и дома и дека нема потреба од хоспитализација. Но, постојат и потешки симптоми на флурона, а тие може да вклучуваат пневмонија и миокардитис.
Трудница – прв пациент со флурона во Израел
Првиот случај на флурона беше потврден од израелските власти во четвртокот. Регистриран е кај трудница во болница во израелскиот град Петах Тиква. Директорот на гинеколошкото одделение на болницата, Арнон Визницер, изјави дека бремената жена била позитивна на коронавирус и грип веднаш штом била примена во болница, што подоцна било потврдено со уште едно тестирање на обата вируса.
Заразената жена не била вакцинирана против коронавирус и грип, но имала само благи симптоми и била пуштена од болница во добра состојба.
Ова е прв документиран случај на коинфекција со коронавирус и вирус на грип, но здравствените експерти веруваат дека има и други кои не се официјално потврдени. Имено, имало 19 пријави за пациенти со грип и Ковид-19 во САД уште во пролетта 2020 година.
Страв од „близначка епидемија“
Израелското Министерство за здравство го истражува случајот и се обидува да утврди дали комбинацијата на двата вируса може да предизвика посериозни симптоми.
- Експертите предупредуваат дека истовремената инфекција со грип и некои други респираторни вируси секако го ослабува организмот и имунолошкиот систем
Дури и кога не се во исто тело во исто време, појавата на два вируса во ист период може да создаде сериозни проблеми за здравствените системи кои веќе се оптоварени. Во последните недели во Израел се зголемил бројот на заболени од сезонски грип. Минатата недела, 1.849 Израелци биле примени во болниците со грип, меѓу кои 605 деца и 124 бремени жени и мајки.
Затоа здравствените власти во Израел стравуваат од појава на „близначка епидемија“ (twindemic), односно истовремена епидемија на коронавирус и сезонски грип. Се стравува дека голем број случаи на грип и Ковид 19 би можеле да ги преоптоварат болниците, што беше спречено минатата година со ригорозни епидемиски мерки ширум светот.
Грипот има потешки симптоми, се појавуваат побрзо. Температурата е 39, има болки во мускулите. Кај Ковид-19 симптомите се поблаги и болеста постепено напредува. И двете комбинации зависат од поединецот, дали е вакциниран и од неговите коморбидитети. Не е исто дали флуроната ќе ја добие млада или постара личност
Се претпоставува дека во исто време голем број заразени со коронавирус и сезонски грип ќе доведе до зголемен број на случаи на флурона, односно дека се повеќе луѓе ќе бидат заразат со комбинација од двата вируса.
И во Хрватска регистриран првиот случај на флурона
Во Хрватска во понеделникот е откриен првиот случај на флурона, потврди за Хрватската радио-телевизија д-р Јасмина Вранеш од Загребскиот институт за јавно здравје.
Д-р Дијана Мајер, епидемиолог од Хрватскиот завод за јавно здравје, истакна дека флуроната во Хрватска ја комплицира ситуацијата и дека симптомите на двете инфекции се преклопуваат, па затоа е тешко да се разликуваат.
„Грипот има потешки симптоми, се појавуваат побрзо. Температурата е 39, има болки во мускулите. Кај Ковид-19 симптомите се поблаги и болеста постепено напредува. И двете комбинации зависат од поединецот, дали е вакциниран и од неговите коморбидитети. Не е исто дали флуроната ќе ја добие млада или постара личност“, објасни д-р Мајер.
Таа посочи дека во секој случај се препорачува вакцинација и против коронавирус и против сезонски грип.
