Компанијата минатата недела наведе дека целта на новите мерки е побезбедно опкружување за најмладите, а датумот на раѓање нема да биде вилив за останатите корисници. Подоцна Инстаграм ќе почне и да користи податоци за возраста, за да на најмладите корисници им понуди едукација за подесувањата и новите контроли на приватноста.
Во случај корисниците да ги повразле своите Инстаграм и Фејсбук профили, внесувањето на датумот на раѓање во интерните бази ќе се изврши автоматски. На Фејсбук не може да се отвори профил ако лицето има помалку од 13 години.
Исто така најавено е дека директните пораки на Инстаграм ќе може да се разменуваат само ако профилите меѓусебно се заследиле. Иако Инстаграм претходно и официјално забрануваше регистрирање на корисници помлади од 13 години, не понуди никакава можност за проверка на нивните години.
Се поставува прашањето колку новите правила ќе влијаат на вкупниот број на корисници, бидејќи Инстаграм не појаснува што ќе се случи со постоечките малолетни корисници, со оглед на тоа дека модераторите на оваа социјална мрежа уште минатата година добија дозвола да ги укинат профилите за кои се сомневаат дека се малолетнички.
Инстаграм во средината на оваа година достигна бројка од една милијарда корисници.
