Израел гледа „веројатна врска“ помеѓу вакцината на Фајзер и ретките случаи на миокардитис: Најмногу погодени млади лица на возраст од 16-19 години

Од Фајзер велат дека ги следат резултатите од израелска студија, но тврдат дека не е утврдена каузална врска со нивната вакцина, ниту пак е забележано дека болеста се појавува повеќе од вообичаено

Паралелно со објавувањето на овие наоди, комисија на израелското Министерство за здравство одобри вакцинирање на адолесценти

Израелското Министерство за здравство објави дека помал број случаи на миокардитис, забележани главно кај помлади мажи вакцинирани со вакцината на Фајзер против Ковид-19, веројатно се поврзани со вакцината.

Од Фајзер тврдат дека се свесни за израелските испитувања и дека не е утврдена каузална врска на миокардитисот со нивната вакцина.

Повеќето пациенти кои развиле воспаление на срцевиот мускул, поминале максимум четири дена во болница, а 95 проценти од случаите се сметаат за лесна форма, покажало истражувањето спроведено од три тима на експерти

Во периодот помеѓу декември 2020 и мај 2021 година во Израел се регистрирани 275 случаи на миокардитис на повеќе од 5 милиони вакцинирани лица, соопшти Министерството, објавувајќи ги резултатите од студијата нарачана за да се разјасни оваа појава.

Повеќето пациенти кои развиле воспаление на срцевиот мускул, поминале максимум четири дена во болница, а 95 проценти од случаите се сметаат за лесна форма, покажало истражувањето спроведено од три тима на експерти.

Студијата покажала дека постои веројатна поврзаност помеѓу примањето на втората доза на вакцина на Фајзер и развојот на миокардитис кај машки лица на возраст од 16 до 30 години, се вели во соопштението на Министерството, и се додава дека повеќе такви случаи се забележани кај помлади мажи на возраст од 16 до 19 години отколку во други возрасни групи.

Од Фајзер велат дека ги следат резултатите од израелска студија, но тврдат дека не е утврдена каузална врска со нивната вакцина, ниту пак е забележано дека болеста се појавува повеќе од вообичаено.

Несаканите ефекти темелно се проучуваат, а стручниот тим на Фајзер редовно се состанува со членовите на Одделот за безбедност на вакцините во израелското Министерство за здравство за да ги разгледаат и проучат податоците, се вели во соопштението.

Во периодот помеѓу декември 2020 и мај 2021 година во Израел се регистрирани 275 случаи на миокардитис на повеќе од 5 милиони вакцинирани лица, соопшти Министерството, објавувајќи ги резултатите од студијата нарачана за да се разјасни оваа појава

По вакцинацијата на возрасните, израелските научни власти не издадоа одобрение за вакцинирање млади луѓе на возраст од 12 до 15 години, додека се чекаше извештајот од Министерството за здравство.

Но, комитетот сега даде зелено светло за вакцинирање деца на возраст од 12 до 15 години од следната недела, рече Нахман Еш, израелски координатор за прашања за пандемијата за Радио 103 ФМ, истакнувајќи дека „ефикасноста на вакцината ги надминува ризиците“.

CDC не откри повеќе случаи на миокардитис кај населението отколку што се очекува, но давателите на здравствени услуги треба да бидат запознаени со извештаите за „потенцијално штетни исходи“

Паралелно со објавувањето на овие наоди, комисија на министерството одобри вакцинирање на адолесценти, рече висок службеник.

Советничката група на Американскиот центар за контрола и превенција на болести минатиот месец препорача понатамошно разгледување на врската помеѓу миокардитис и вакцините на база на гласник-РНК, а тоа се вакцините на Фајзер и Модерна.

CDC не откри повеќе случаи на миокардитис кај населението отколку што се очекува, но советничката група истакна дека нејзините членови сметаат дека давателите на здравствени услуги треба да бидат запознаени со извештаите за „потенцијално штетни исходи“, пренесува „Хина“.