Иако прекумерната изложеност на сонце може сериозно да му наштети на нашиот организам, особено на кожата, сончевите зраци се главниот предуслов за производство на витамин Д во организмот. Тоа го потврдува и студијата објавена во „The Journal of Alimentary Pharmacology and Therapeutics“, која покажува дека речиси половина од светската популација има премногу мала концентрација на витамин Д во крвта.
-
Сега кога поради пандемијата престојуваме претежно во затворен простор, треба да обрнеме внимание на внесот на витамин Д преку храната, но и разни суплементи
Д-р Мајк Роизен од клиниката „Кливленд“ објаснува дека витаминот Д сега е особено важен затоа што значително придонесува за зајакнување на имунитетот, а неговите вредности честопати се многу ниски во оние групи кои се најмногу подложни на коронавирусот – постари лица и хронично болни.
„Научните студии покажаа врска помеѓу ниското ниво на витамин Д и инциденцата на неколку инфективни болести, посебно инфекција на горниот респираторен тракт, но и воспаление на белите дробови, инфекции на ушите, хепатитис Б и Ц и ХИВ инфекции“, рече д-р Роизен.
Но, што е со апсорпцијата на витамин Д сега, за време на карантин и минимално изложување на сонце? Д-р Роизен вели дека повеќето луѓе сега сигурно го добиваат помалку од вообичаено, па затоа треба да го подигнеме имунитетот и на некој друг начин.
„Витаминот Д е битен за многу различни физиолошки процеси, а влијае на нашите коски, спречува воспаленија, го подобрува сонот и ја подобрува работата на срцето и мозокот“, се согласува д-р Александра Луис. Таа потсетува дека неговиот препорачан дневен внес за здрави возрасни лица се движи помеѓу 600 и 800 IU на ден, а таа количина е невозможно да се внесе во организмот само преку храна.
Д-р Мајк Роизен од клиниката „Кливленд“ објаснува дека витаминот Д сега е особено важен затоа што значително придонесува за зајакнување на имунитетот, а неговите вредности честопати се многу ниски во оние групи кои се најмногу подложни на коронавирусот – постари лица и хронично болни
Истражувањето на The National Health and Nutrition Examination Survey (NHANES) открива дека додатоци на витамин Д земаат дури 37 проценти од населението во САД, а неговиот недоволен внес се поврзува со остеопороза, кардиоваскуларни болести, когнитивен пад, дијабетес и разни видови на рак, пишува „Real Simple“.
Според д-р Луис, сите треба да јадеме што повеќе храна богата со витамин Д, без оглед на времето што го поминуваме на отворено. Ако и тогаш го имаме премалку во крвта, добро е, вели таа, да земаме и додаток на витамин Д, особено во зимските месеци и за време на изолацијата.
Совети за поголем внес на витамин Д:
- Поради омега-3, јадете мрсна риба најмалку два до три пати неделно, препорачува American Heart Association;
- Пијте млеко богато со витамин Д;
- Јадете житарки кои се збогатени со витамин Д;
- Јадете повеќе печурки бидејќи тие се одличен растителен извор на витамин Д.
