Додека повеќето заболени ќе имаат благи или нема да имаат никакви симптоми на болеста, лекарите предупредуваат дека и оние со благи симптоми на COVID-19 мора да внимаваат на нивниот развој за да не станат многу опасни.
„Оваа болест може да предизвика појава на благи симптоми кај поедини лица, кои после неколку дена оздравуваат, или лицето може да има симптоми пред или по формалната дијагноза, да оздрави, па да се разболи сериозно после 7 до 10 дена. Веруваме дека тоа е поврзано со имунолошкиот систем или феноменот „цитокинска бура“, објаснува д-р Дана Хокинсон, медицински директор на Универзитетот во Канзас.
Кога вирусот ќе стигне до белите дробови, имунолошкиот систем реагира со испраќање на клетки кои ќе го нападнат вирусот. Ако одговорот на системот е премногу силен, тоа може да предизвика воспаление. Кај некои луѓе ќе се случи токму тоа и може да има фатални последици.
Постојат јасни фактори на ризик, како што се возраста, дијабетес, хипертензија, заболувања на белите дробови…, но за жал, се чини дека оваа болест може да му се случи на секого
„Кога луѓето ќе се заразат, обично се јавуваат симптоми слични на настинка. Потоа може да прогресира во пневмонија и тогаш сфаќаат дека се болни. Ова обично се случува на шестиот или седмиот ден“, објаснува д-р Дин А. Блумберг, шеф на одделот за педијатрија во детската болница „Дејвис“.
„Заслугите“ за овој процес му припаѓаат на самиот вирус, кој стигнал до белите дробови, но и на пациентот и неговиот имунолошки систем, односно одговорот на имунолошкиот систем кој може да предизвика проблеми. Тивката „хипоксија“ е уште еден термин што се споменува кај некои пациенти, а тоа е слаба заситеност на крвните садови со кислород, без пациентот притоа да чувствува потешкотии со дишењето.
ОД БЛАГИ ДО СЕРИОЗНИ СИМПТОМИ
Според Американскиот центар за контрола и превенција на болести (CDC), симптомите можат да се појават 2 до 14 дена по изложеноста на вирусот.
Симптомите вклучуваат: температура, кашлица, болка во мускулите, главоболка, губење на мирис и вкус, болка во грлото, потешкотии при дишењето.
Во моментов, експертите не знаат дали постои начин однапред да се знае дали благите симптоми ќе се претворат во опасни, но постојат одредени фактори на ризик што можат да го поттикнат тоа.
Оваа болест може да предизвика појава на благи симптоми кај поедини лица, кои после неколку дена оздравуваат, или лицето може да има симптоми пред или по формалната дијагноза, да оздрави, па да се разболи сериозно после 7 до 10 дена. Веруваме дека тоа е поврзано со имунолошкиот систем или феноменот „цитокинска бура“
„Вирусот и инфекцијата што ја предизвикува изгледаат многу непредвидливи. Ги знаеме вообичаените симптоми, но често се забележуваат и атипични манифестации. Исто така забележуваме дека благите симптоми многу брзо може да се претворат во сериозни“, додава д-р Хокинсон.
„Постојат јасни фактори на ризик, како што се возраста, дијабетес, хипертензија, заболувања на белите дробови…, но за жал, се чини дека оваа болест може да му се случи на секого“, вели лекарката.
ТРЕТМАН НА БЛАГИ СИМПТОМИ
Иако не постои начин да се запре влошувањето на симптомите, д-р Скефнер, инфектолог од Универзитетот Вандербилт, вели дека постојат некои работи што луѓето со благи симптоми можат да ги направат за да се чувствуваат подобро.
„Сметам дека добрата хидратација е многу важна за да се чувствувате подобро. Ако имате треска, лековите кои делуваат за намалување ќе ви помогнат.“ Тој додава дека секогаш ги советува пациентите кои имаат грип или респираторни проблеми дека треба да го избегнуваат алкохолот и да бидат внимателни со кофеинот бидејќи може да ги доведе до дехидратација. „Она што треба да пиете е многу вода. Ако сте болни, дистанцирајте се и водете сметка за вашето закрепнување.“
РЕДОВНА ПРОВЕРКА
„Мораме да бидеме поврзани едни со други затоа што на заболените може сешто да им се случи за краток временски период, на пример, влошување на симптомите, така што заболеното лице одеднаш станува толку слабо што не може да стигне ни до телефонот. Затоа, редовно проверувајте ги вашите најблиски“, заклучува лекарот.
