Како претераниот родителски заштитнички однос му штети на детето?

Кога вашето дете е премногу заштитено и не ги исполнува обврските, оти за него го подметнувате вашиот грб, нема да го научите да биде одговорно.

Децата мораат да пораснат, но родителите често за тоа и не се свесни. Дали и вие сте во категоријата на оние кои премногу ги штитат своите деца, не дозволувајќи им да ги сносат последиците за своето однесување? Ако сте, време е тоа да го исправите, оти така на децата им правите лоша услуга.

Елен Рос Гликман, детски психолог, предупредува дека ако детето е премногу заштитено, не ги исполнува своите обврски оти вие секогаш за него го подметнувате вашиот грб, нема да научи да биде одговорно, ниту ќе развие чувство за тоа што е важно во животот.

“Децата мораат да ја видат вашата разочараност оти нешто не направиле добро и важно е да знаат дека очекувате тоа да го исправат“, вели Гликман, и додава дека многу родители не сакаат да пуштат децата да пораснат. Не им дозволуваат да превземат одговорност за своето однесување и да научат што значи дасе биде самостоен и да се има самоконтрола.

Кога имате дете со осум-девет години, кое не може да излезе на крај со тоа да не е секогаш по негово и дека нема секогаш да го добие она што го сака, морате да сфатите дека вие како родител сте исто така виновни за таквото однесување.