Зимската сезона е период во кој се присутни разни вируси, а многу мајки се жалат дека нивните деца се „постојано“ болни. Понекогаш е тешко да се разликуваат симптомите на вирус од алергии, а кога ќе утврдите дека е во прашање вирус и ќе започнете да го лекувате, според препораките на вашиот педијатар, секако, постои уште една важна работа што треба да ја направите.
Претседателот на Научното здружение на московските терапевти, професор Павел Воробјов, наведува важно правило кое сите родители треба да го запомнат кога нивното дете е болно, а тоа е да му даваат да пие што повеќе вода и во никој случај да не дозволат да дехидрира.
Тој за порталот aif.ru истакнува дека е потребно да се пие по литар вода за секој степен на покачена температура – „Луѓето умираат од дехидрација и токсикоза, особено децата, тие брзо дехидрираат. Мораат да пијат многу вода, многу “.
Исто така, д-р Воробјов истакнува дека бришењето на детето со влажна крпа може да помогне при многу висока температура.
„Горниот дел од градите, вратот, челото го бришеме со крпа натопена со вода на собна температура. Тоа не им е пријатно на децата, но тоа ќе помогне да се намали температурата за еден степен, што не е лошо и ќе им донесе мало олеснување“, заклучува тој.
