Одвикнувањето од пелени, за повеќето родители е процес кој ретко минува без мака. Најчесто станува збор за обиди и откажувања во последен момент. Иако родителите по првиот неуспех сметаат дека детето се уште не е подготвено, според педијатарот д-р Џована Армано, децата најчесто се подготвени за одвикнување од пелени помеѓу 18 и 24 месеци.
На оваа возраст, смета педијатарот, детето е физички и когнитивно зрело за тргање на пелените. Еден од показателите за подготвеност, се и знаците кои детето ги дава,а на родителите е тие знаци да ги следат. Обрнете внимание дали детето знае да ги именува вршењата нужда, знае ли после тоа да каже дека било во тоалет и дали пелената во текот на ноќта останува сува.
