Кога е време да му воведете житарки во исхраната на бебето

Прочитајте кога е време за воведување на немлечни оброци во исхраната на бебето, зошто житарките се совршена прва цврста храна и како да му ја понудите на детето.

На возраст од четири до шест месеци, во исхраната на бебето се воведува цврста храна/дохрана. Најчесто тоа се житарки.

  • Зошто житарките се прва немлечна храна?

Поради својот состав, овој вид на намирница е многу важна за правилен рааст и развој на детето. Содржи добар однос на јаглехидрати, протеини и масти, а богата е со витамини од Б групата, вклучително и фолна киселина. Житарките при обработката дополнително се обогатуваат со цинк, железо, калциум, витамин Д за на малиот организам му ги обезбедат сите неопходни состојки.

  • Како се воведуваат житарките во исхраната на бебето?

Во исхраната на бебето прво се воведуваат оризот и пченката. Лесно сварливи, овие житарки се најдобри за децата, бидејќи не содржат глутен, протеин кој кај чувителните деца може да предизвика здравственипроблеми, како глутенска ентеропатија. Пченицата, јачменот, просото и ‘ржта може да се воведат во исхраната на бебиња постари од шест месеци.

  • Како се подготвува оброк од житарки?

Една супена лажица житарки убаво се меша со четири супени лажици (околу 60мл) мајчино или адаптирано млеко.

Оброкот со житарки не ставајте го во шишенце, туку бебето хранете го во полуисправена положба со помош на мала лажичка.

На почетокот првиот немлечен оброк понудете му го на бебето еднаш или два пати дневно, по доење или хранење со млечна формула. Кога ќе научии да голта, на бебето може да му понудите и погуст оброк, односно житарки со помалку течност. Со тек на време зголемувајте ја количината на оброкот.