Со оглед дека во САД рекорден број на деца се хоспитализирани поради КОВИД-19, нова студија се обидела да објасни кои деца се под најголем ризик од сериозни компликации. Студијата објавена во JAMA Network Open следела над 3.200 деца и тинејџери кои биле примени во Итна помош со симптоми на КОВИД-19 и биле позитивни на SARS-CoV-2.
Утврдено е дека постарите деца – на возраст од 10 до 18 години – и оние со хронични здравствени состојби имаат зголемен ризик од тежок исход кој вклучувал компликации како што се респираторен дистрес, проблеми со срцето и отекување на мозокот.
Ова истражување покажало дека децата со хронични болести имале двојно поголем ризик од развој на сериозни компликации. Тие хронични состојби меѓу другото вклучувале срцева болест, дијабетес, гастроинтестинални нарушувања и невролошки состојби.
Интересно е дека астмата не била поврзана со поголем ризик од развој на сериозни компликации при КОВИД-19. Инаку, некои претходни студии ја означија астмата како ризик фактор за тешка форма на КОВИД-19.
Исто така се покажало дека нешто помалку од 32% од децата кои биле примени во Итна помош биле хоспитализирани, а нашето над 3% имале тежок исход – случаеви во кои децата развиле знаци на оштетувања на органите или им биле потребни интервенции за поддршка на срцето, белите дробови или бубрезите. Вкупно починале четири деца.
