МИНЛИВИ ПРОМЕНИ: Кои форми на отоци се јавуваат во бременоста?

Отекувањето во бременоста е нормално, а одредени делови од телото се почувствителни од други, па кај нив се јавуваат отоци, за кои и не зборува толку.

Бременоста е прекрасен период од животот на секоја жена, ако се стават настрана вообичаените труднички тегоби како мачнина, вагинален исцедок, грчеви и повремени, можни болки во стомакот. Телото произведува околу 50 проценти повеќе крв поради потребите на детето кое расте во матката, а често бремените жени се чувствуваат “големи“ и надуени. Отекувањето во бременоста е нормално, а одредени делови од телото се почувствителни од други, па кај нив се јавуваат отоци, за кои и не зборува толку.

  • Усна шуплина

Позната е појавата на крварење и воспаление на непцата за време ан бременоста. Речиси секоја трудница се соочува со некаков вид на гингивитис. Со оглед дека се менуваат сите слузници во телото, така и слузницата на устата станува почувствителна поради зголеменото ниво на хормонот прогестерон.

  • Проблеми со вените

До проблем со вените во бременоста доаѓа поради хормонот естроген, наследност, но и зголемениот волумен на крв. Проширените вени може да ги зафатат нозете, вулвата или подрачјето на завршното црево (хемороиди).

  • Чувствителност и зголемни гради

Постојат многу промени на градите кои се јавуваат во бременоста. Од отекување па се до изразена чувствителност на допир, но тоа се мали проблеми кои ќе поминат. Градите отекуваат поради почеток на производство на млеко и кога детето ќе се роди, отокот и болката се намалуваат.

  • Отечени зглобови, нозе и стапала

Поради зголемената телесна тежина, лакот на стапалата се израмнува и тоа станува поголемо. Истото е и со зглобовите и нозете. Може да се јави и оток на рацете, и наместо да ги држите ослободени надолу, најдобро е да ги држите подигнати над срцето.

  • Лице и усни

Отоците на лицето се исто така резултат на хормоналните промени. Воведете во исхраната намирници богати со витамин Ц кои ќе го намалат отекувањето.