Како што е познато, карактерот на детето се формира во најраното детство. Затоа, ако сакате да воспитате силна личност подготвена за живот, многу е важно на детето да му се посветува доволно внимание. Еве неколку игри низ кои детето ќе развие добри особини
- Не се согласувам со тебе
Играта се сстои од поставување прашања за личните вкусови и мислења на детето. За играта се потребни најмалку три лица. Прашањата треба да бидат различни, и секој да го каже своето мислење како на пример која книга најмногу ти се допаѓа, и ако другиот не се согласува, тогап детето треба да објасни зошто книгата за него е најубава. Низ оваа игра децата учат да имаат и да го бранат своето мислење и самоуверено да расправаат за одредена тема.
- Измислена приказна
Оваа игра ја развива имагинацијата. На детето му задавате неколку логички неповрзани зборови, а неговата задача е сите да ги искористи и поврзе во приказна.
- Надуван и издуван балон
Одлична игра низ која децата учат правилно да дишат и да се опуштат, а вам ќе ви помогне да го разберете детето. Дајте му на детето балон да го надува, а тогаш треба воздухот од балонот многу полека да се испушти назад во неговата уста, при што детето не ја отвора устата, односно ја држи во иста позиција како кога го дува балонот. Како балонот да го дува детето, а не обратно. После тоа може да го прашате детето дали некогаш се чувствувало како издуван балон, илипак спротивно – дали некогаш не можело повеќе да поднесе се, и се чувствувало како балон пред пукање. На овој начин му покажувате на детето како може да се смири во непријатна ситуација, да побара можни решенија и воопшто да сфати што го мачи.
- Изгаси свеќа
И оваа игра е насочена кон учење на правилно дишење. Вдишување низ нос, полнење на стомакот со воздух и лесно издишување на уста како да гаси свеќа. Кога детето ќе ги разбере упатствата, седнува на столица оддалечена два метри од запалената свеќа кое е ставена на масата. Детето не смее да стане, ниту да се наведне за да ја изгаси. Треба да се труди да ја изгаси свеќата од раздалечина од два метри. Играта не завршува се додека свеќата не се изгаси.
