При изборот на облека, треба да обрнете внимание на моделите, кои ќе ви биде лесно да ги маневрирате при пресоблекувањето. Избегнувајте oблека со многу копчиња и комполициран начин за закопчување. Генерално, бирајте удобна и мека облека, без рапави опшивки кои би можеле да ја иритираат бебешката кожа од внатрешната страна. Не се пожелни ниту разни украси и светкави детали кои бебето лесно може да ги искине и голтне.
БОДИ (5 до 7 парчиња): На почетокот ова парче облека ќе биде главно во плакарот на секое бебе. Во него може да спие во текот на денот, и затоа е важно да биде од квалитетен и природен материјал.
МАИЧКИ (4 до 7 парчиња): Маичките би требало да бидат меки и памучни. Повеќето родители преферираат маички кои функционираат како боди, и се закопчуваат на клик.
ХЕЛАНКИ/ПАНТАЛОНИ (5 до 7 парчиња): Кога бебе има маичка и панталони, полесно е да се смени само еден дел од облеката. При изборот на долниот дел, барајте модели кои се растегливи во половината и кои може да се рашират ако бебето добие на телесна тежина. Секогаш имајте предвид дека пелената оди под тие панталончиња и не треба да бидат тесни.
ЈАКНА (1 парче): Повеќето бебиња не сакаат кога облеката им се навлекува преку глава и и затоа е подобро, наместо дебела јакна, да го загреете детето со памучна јакна која се закопчува од предната страна.
ПИЖАМИ (4 до 7 парчиња): Колку и убаво да изгледаат, избегнувајте комолицирани пижами во форма на мече, панда или слични модели кои убаво изгледаат. Клучно е облеката да е удобна, лесно да може да се менува пелени во сред ноќ и на детето да не му е ладно. Како добар избор се покажале едноделни пижами со закопчување на средина. Тие го покриваат ноџињата, лесно се соблекуваат и се менуваат.
СКАФАНДЕР (1 парче): Ако имате зимско бебе, побарајте едноделно одело – скафандер кое ќе го штити од ладно. Избегнувајте дебелеа облека во која детето може да биде раздразливо, оти му е претопло.
КАПА (1 до 3 парчиња): За овој период најдобар избор е мека, топла капа која задолжително мора да ги покрива ушите. Внимавајте на изборот на материјали, нека биде памук оти оди директно на нежната бебешка кожа и делумно го окриваат лицето. Ако капата го иритира бебето, брзо ќе стане нервозно.
