Првата посета на бебето е прекрасен и посебен настан што долго се памети, особено кога станува збор за бебе на некој од блиското семејство или од кругот на драги пријатели. Кога во домот ќе пристигне нов член, првата посета на пријателите и роднините е исполнета со возбуда, но и со многу непишани правила кои често нè ставаат во недоумица. Се прашуваме дали сме премногу гласни, дали понудивме помош каде што треба, или пак, несвесно го нарушуваме кревкиот мир на новите родители? Токму на оваа тема, една патронажна сестра сподели свои искрени совети кои веднаш ја поделија јавноста – додека едни ги поздравуваат како поставување на неопходни граници, други сметаат дека се премногу строги.
Рут Вотс, мајка и патронажна сестра во Англија, ги предупреди луѓето да не прават одредени работи кога првпат посетуваат новороденче – таа ги советуваше луѓето да не бараат да го држат новороденчето, да не доаѓаат со празни раце и да не се „паркираат“ на каучот.
Во видеото објавено на нејзиниот Инстаграм профил, Вотс рече: „Кога посетувате некого со новороденче, ве молам, ве молам, ве молам, немојте да барате да го подржите бебето. Кога доаѓате да го запознаете новороденчето или да го видите семејството кое штотуку добило новороденче, понесете грицки. Бидете корисни. Прашајте: Што можам да направам? Ако прашаат: Можете ли да го држите бебето додека јас се занимавам со моето друго дете?, ако имаат друго дете, во ред. Но, немојте да влегувате и само да се сместите на каучот и да го држите бебето.“
„Дури и ако сте баба или дедо, тетка или вујко, немате право да го држите тоа дете. Немате никаква привилегија. Тоа дете им припаѓа на мајката и на другиот родител“, рече Вотс и изненади многумина. „Кога ќе влезете, бидете корисни. Што можам да направам? Ако има друго дете: Сакате ли да го изнесам малку надвор? Ако нема друго дете: Сакате ли да ја испразнам машината за садови? Кажете ми што да работам и ќе го направам тоа“, наведе Вотс, а даде и уште едно правило со кое многумина се согласија.
Никогаш не го бакнувајте бебето: Бакнувањето на бебето по лицето или рацете (поради опасност од херпес и други вируси) е строго забрането
„Немојте да доаѓате со празни раце. Не е ваше право да го запознаете бебето, во ред? Вие сте таму за да ја гушнете личноста која се породила, како и бебето, а тоа може да биде емотивно, тоа може да биде помош со домашните работи, тоа може да биде носење топол оброк. И, ве молам, немојте да останувате предолго“, вели Вотс.
„А ако не знаете што сака таа мајка, што би ѝ донеле за јадење, подобро немојте да доаѓате во посета првите неколку недели. Тоа би требало да бидат само луѓе кои ја познаваат многу, многу добро, со кои таа ќе се чувствува безбедно и пријатно“, рече Вотс и напомена дека ова мислење би можело да биде контроверзно.
Во коментарите, мајките ги споделија своите искуства со луѓето кои ги посетувале во деновите и неделите по раѓањето на бебето. Една мајка рече: „Мојата најдобра пријателка ме побара истиот ден откако се вративме дома за да ми каже дека оставила пакет пред нашата врата. Живее на 45 минути оттука и не ни тропна на вратата.“
Фокус на мајката, а не само на бебето: Сите се фокусирани на бебето, но мајката е таа која поминува низ физичко и емоционално закрепнување. Прашајте ја како е. Донесете нешто за неа лично (омиленото чоколадо, крема за раце или нешто што не смеела да јаде во бременоста)
Друга рече: „Толку сум среќна што имам мајка која го разбра тоа. Ќе дојдеше да нè види и чистеше за нас. Мојата ќерка има 3 години, а сега имаме 18-месечно бебе. Доаѓа да си игра со нив, но кога е време за спиење, и понатаму ја затекнувам како мие садови или чисти. Тоа е она што им треба на родителите. Поддршка во сите области, а не само ‘држење на бебето’!“
Трета додаде: „Уште полошо е да се фрлиш на каучот, да бараш да го држиш бебето, а во другата рака да бараш шолја чај или вино.“
Сепак, има и мајки кои не се согласуваат со оваа патронажна сестра, а некои велат дека не им пречи што луѓето го држат нивното дете. „Не ми пречеше да им го дадам бебето. Бев среќна што можев да го покажам. Не останаа долго и сите беа среќни откако добија малку галење. Би се чувствувала многу непријатно ако луѓето извршуваа домашни работи во мојата куќа!“
Што мислите вие?
Други „правила“ при прва посета на бебето
- Никогаш не го бакнувајте бебето: Бакнувањето на бебето по лицето или рацете (поради опасност од херпес и други вируси) е строго забрането.
- Миење раце: Штом ќе влезете, веднаш измијте ги рацете без да ве потсетат.
- Ако сте и малку болни, откажете ја посетата: Дури и ако е „само гребење во грлото“ или „мала алергија“, не ризикувајте со незрелиот имунолошки систем на бебето.
- Прашајте пред да фотографирате: Многу гости веднаш го вадат телефонот, го сликаат бебето и го објавуваат на социјалните мрежи. Секогаш прашајте ги родителите за дозвола за сликање. Уште поважно, прашајте дали смеете да ја објавите сликата. Многу родители сакаат приватност во првите денови.
- Воздржете се од давање совети кои не се бараат од вас: Иако имате искуство, воздржете се од коментари како: „Зошто не му дадеш цуцла?“, „Дали имаш доволно млеко?“ или „Ние во наше време правевме вака и вака…“. Новите мајки се веќе преплавени со информации и хормони. Наместо совет, понудете поддршка: „Одлично ти оди, изгледаш како супер мајка“.
- Внимавајте на мирисите: Новороденчињата се многу чувствителни на мириси. Ако одите во посета, избегнувајте силни парфеми. Тоа може да го вознемири бебето или да предизвика мачнина кај мајката која дои.
- Фокус на мајката, а не само на бебето: Сите се фокусирани на бебето, но мајката е таа која поминува низ физичко и емоционално закрепнување. Прашајте ја како е. Донесете нешто за неа лично (омиленото чоколадо, крема за раце или нешто што не смеела да јаде во бременоста).
- Пушење (third-hand smoke): ААП предупредува на опасноста од “third-hand smoke” – честичките од чадот кои остануваат на облеката и кожата на пушачот. Дури и ако гостинот не пуши пред бебето, ако неговата облека мириса на цигари, тоа е штетно за бебето и го зголемува ризикот од респираторни проблеми.
