Експертите тврдат дека на бебињата до правата година не треба да им се досолува храната, додека во првите шест месеци им треба само грам сол дневно, а ќе го добијат од мајчиното млеко или формулата. Станува збор за правило кое треба да се почитува додека бебето не наполни една година. На децата постари од една година им требаат нешто помалку од два грама сол дневно.
За да го постигнете сето тоа, треба да ги следите овие правила:
Ограничете ги солените јадења на менито на бебето.
Не додавајте сол за време на готвењето или послужувањето на оброците.
Ограничете ја готовата храна, како замрзнати оброци, пити, бисквити, пица, сирење.
Добар избор е храната наменета за деца, бидејќи содржи оптимални количини на сите додатоци.
На бебињата не треба да им се нуди храна за возрасни, како на пример сувомеснати производи.
Овошјето, зеленчукот, рибата, јајцата, мешунките и млекото спаѓаат во групата намирници со ниска содржина на сол. Оризот и тестенините исто така не содржат многу сол и се погодна храна за децата.
