Кај лекувањето на доенчиња и мали деца посебно внимание мора да се обрне на видот на лекот кој се дава. Имено, многу лекови кои се препорачуваат за возрасните, можат да бидат опасни за децата.
“Малите деца не се возрасни личности. Нивниот метаболизам се развива и абсорпцијата и излачувањето на лековите се поинакви од кај возрасите“, нагласува д-р Џована Армано.
Кај децата до 15 години се препорачува, телесната температура да се намалува со парацетамоли, а во случај на исклучително висока температура и со ибупрофени.
„На децата никако не смее да им се даваат антипиретици на база на ацетилсалицилна киселина, поради можноста од појава на Рејев синдром. Тоа е ретко, но по живот опасно пореметување по кое се развива воспаление на мозокот и нагло таложење на масти во црниот дроб. Може да дојде до замелушеност, дезориентираност, па се до кома“, објаснува д-р Армано.
Друг, претходно често користен лек за намалување на температурата кај децата е антиревматик, чија случајно откриена нуспојава е намалување на температурата. Кај малите деца треба да се внимава и да не земат некој лек од домот, оти може да дојде до труење.
Д-р Армано, особено предупредува да се внимава на дозирањето на лековите.
Според неа, родителите треба да бидат внимателни и со витамините, оти многу сирупи и витамини не се предвидени за доенчиња и деца помали од две години, па од тие причини ним не им се препорачуваат.
