Потребно:
- 4 големи тортиљи
- 1 авокадо, исечкано
- 40 гр беби спанаќ
- 4 лажици крем сирење или павлака
- 200 гр печено бело месо, исечкано
- 4 лажици доматна паста
- 50 гр пченкарни снегулки
- 80 гр рендан кашкавал
Подготовка: Ставете ја тортиљата на даска за сечење. Со нож или ножици направете засек од центарот на тортиљата до работ, како прв засек во торта и така поделете ја на 4 дела,. Почнувајќи од пресекот, наполнете ја секоја од четвртините тортиља со следните филови: авокадо и бебешки спанаќ, павлака и пилешко, доматна паста и пченкарни снегулки, рендан кашкавал. Кога сите четири четвртини од тортиљата се полни, треба да ги преклопите. Започнете со четвртината полнета со авокадо и преклопете ја врз доматната паста со пченкарни снегулки. Потоа преклопете на четвртината со пилешкото, па на крајот на четвртината со кашкавал. Повторете со останатите тортиљи и состојки. Свитканите тортиљи ставете ги во загреан тостер и тостирајте додека кашкавалот не почне да се топи. Послужете веднаш со кисела павлака или слатко-лут сос. Добар апетит!
