ПИШУВА:
Линдита Мустафа
лиценциран психолог
Завод за ментално здравје за деца и млади „Младост“ – Скопје
♦♦♦♦♦♦♦
Фокусирајте се на менталното здравје
В
еќе сте запознаени со начинот како да се справите со коронавирусот и кои мерки да ги преземете за заштита од истиот. Но, како да се грижите за менталното здравје во време кога постои паника меѓу населението… веројатно многу малку сте слушнале колку истото е важно.
Мислите и емоциите имаат директно влијание врз клетките на нервниот систем – тогаш менталното здравје е многу важен фактор за да бидеме здрави. И покрај преземање на мерки за заштита од опасноста, сепак, има луѓе кои се болни како резултат на ширењето на паниката, која доведува до стресна состојба и исчекување дека ќе им се случи нешто лошо.
Неколку дена, не гледајте вести со статистика за болни и починати. Оградете се од секакви коментари, да им оставиме на стручните лица да ја завршат нивната работа без наше попречување (ширење на дезинформации)
Нашиот организам не може да препознае дали се работи за емоции (мисла) или опасноста е реална, односно дали телото е нападнато физички или психички. Самиот стрес е вид на напад и со самата помисла ние се чувствуваме лошо, невротрансмитерите во мозокот ни кажуваат дека нешто не е во ред со нас, па така почнуваме да се соочуваме со тахикардија, препотување, висок крвен притисок, отежнато дишење и др.
Самиот стрес и напнатоста влијаат врз нашиот организам и на тој начин ни паѓа имунитетот. Ние тогаш немаме „војници“ кои ќе не бранат од вирусите и разните инфекции.
Затоа, за да имате јак имунитет прво смирете се, без паника, без стрес.
Земајте витамини, посебно витамин Ц и Д, недостатокот на витаминот Д може да доведе до слична состојба како депресијата така што употребувајте го секојдневно. Понатаму, секое утро вежбајте по 10 минути со отворен прозорец. Хранете се здраво, спијте доволно, медитирајте, пијте доволно течности.
Читајте, гледајте филмови, играјте си со вашите деца, почитувајте ги препораките и научете ги вашите блиски како да ги мијат правилно рацете и како да се пазат.
Неколку дена, не гледајте вести со статистика за болни и починати. Оградете се од секакви коментари, да им оставиме на стручните лица да ја завршат нивната работа без наше попречување (ширење на дезинформации).
Живејте го животот сега и тука. Не во некое исчекување што ќе се случи во иднина. Оваа моментална состојба за одредено време ќе се врати во нормала, но траумите од истата може да останат засекогаш во нас.
Да не бидеме како Наполеон кој поради „хемороидите“ го изгуби Ватерло.
