До дехидрирање доаѓа ако бебето изгуби повеќе течности отколку што ќе внесе во организмот, а тоа може да се случи ако има проблеми со доењето или хранењето со шише, ако има пролив, повраќа или има висока температура, но и ако премногу време поминало во презагреана просторија.
Со оглед дека дехидрацијата за бебето е многу опасна состојба на организмот, важно е брзо да се препознаат знаците и навремено да се реагира. Знаци кои упатуваат на дехидрација се недоволно мокрење, претерана поспаност, раздразливост, сува уста и плачење без солзи, а еден од показателите е и состојбата на фонтанелата на бебето.
Имено, кога фонтанелата е вовлечена, односно ако “тоне“ во бебешката глава, укажува на тоа дека доенчето дехидрирало и дека треба брзо да реагирате.
Но, постои и уште еден брз тест со кој може да ја проверите состојба на организмот на бебето, кој го применува мајката Кети, која е и лекар.
Детето ставете го во лежечка положба, па со прст притиснете ја кожата на градите на бебето. Држете го прстот, со благо притискање на кожата 5 секунди, а потоа тргнете го. Ако бојата на кожата се врати во нормала за помалку од две секунди, вашето бебе е доволно хидрирано. Но, ако трае подолго, проверете ги останатите знаци на дехидрација и контактирајте лекар.
Ако се работи за поблага дехидрација, а бебето е помало од три месеци, лекарот веројатно ќе ви предложи поинтензивно доење или почесто давање на формула.- Ако се работи за посериозни знаци на дехдрација, лекарот може да препорача инфузија. Не му давајте на бебето електролити за дехидрација без претходно советување со педијатар. Лекарот е тој кој ќе ви даде насоки за користење на телности со електролити врз основа на тежината и возраста на вашето бебе. Течноста мора да се дава полека, голтка по голтка.
