Мајката лута: Воспитувачка од градинка напишала со маркер порака на стомачето на детето: НЕМАМ ПЕЛЕНИ!

Хедер Кисум од Флорида на Фејсбук сподели ужасно искуство со вработените во градинката каде што одат нејзините деца. Со објавата ги згрози своите пријатели на социјалните мрежи

Мајката открила порака напишана со маркер на стомачето на нејзиниот 18-месечен син, кога му ја менувала пелената после долг ден поминат на работа

„Да, виновна сум! Виновна сум што сум самохрана мајка, што работам и што не успеав да го прочитам извештајот од градинката дека треба да донесам пелени“, објави Хедер Кисум од Флорида на социјалните мрежи.

Оваа мајка открила порака напишана со маркер на стомачето на нејзиниот 18-месечен син, кога му ја менувала пелената после долгиот ден поминат на работа.

Пишувајќи во објава на Фејсбук, таа тврди дека градинката ставала дневен извештај во детските кутии за ручек за да им даде до знаење на родителите како се однесувале децата тој ден и дали треба да донесат некои потребни материјали како што се влажни марамчиња или пелени.

Хедер Кисум од Флорида со нејзиното 18-месечно синче
Во меѓувреме, реагирале надлежните во градинката и лицето кое ја напишало пораката со маркер на стомачето на детето било отпуштено од работа

Нагласила дека кога ги зема и остава децата во градинката, гледа неколку вработени од градинката, но никој од нив не и рекол ништо.

„Мамо, останав без пелени, те молам прочитај го мојот извештај“, напишале од градинката на стомачето на детето.

„Го избришав со неколку бебешки марамчиња и не излегува. Имав планови да ги однесам децата на плажа да си играат, а сега не можам, бидејќи мојот син е целиот ишаран“, рече таа.

Го избришав со неколку бебешки марамчиња и не излегува, напиша мајката

Мајката посочува дека дури и ако сакале да и испратат порака на тој начин, можеле да напишат на пелената на детето.

„Многу ми е жал. Не ми се верува дека некој сметал дека е во ред да го обележи вашето дете. Не претерувате. Ова е детинесто, непрофесионално и апсолутно одвратно за некој да го направи“, беше еден од коментарите на објавата.

Во меѓувреме, реагирале надлежните во градинката и лицето кое ја напишало пораката со маркер на стомачето на детето било отпуштено од работа.