Иако децата несомнено наследуваат гени и од мајката и од таткото, на нив значајно влијае и околината, особено однесувањето на мајката која им е најблиска личност во раниот животен период. Не за џабе се вели дека децата се огледало на своите родители. Еве што децата наследуваат од своите мајки.
Време на будење
Бебињата имаат тенденција да се будат кога и нивните мајки, и имаат внатрешен аларм кој им зборува дека мама станала, па се будат кога и она. Значи, ако се будите рано и вашите деца веројатно ќе се будат во исто време. Исто така, научниците тврдат дека бебињата тие навики ги носат уште додека биле во матката и уште тогаш се прилагодуваат на навиките на мајката. Секако, кога ќе се родат, нивното спиење зависи и од надворешните фактори.
Секојдневно туширање
Научниците сметаат дека малите бебиња не е потребно да се капат секој ден, туку два пати во неделата е сосема доволно. Но, има родители кои стојат зад ставот дека детето треба да се капе секој ден, како што и тие сами секој ден се тушираат. Ако и вие сте едни од тие родители, голема е можноста вашето дете да биде љубител на секојдневно туширање.
Организираност
Бебето од раѓање ја набљудува својата околина и како работите во неа се одвиваат. Ако сакате ред и дисциплина, расчистувате по подот, неуморно ги средувате играчките, му давате пример на однесување кое детето ќе го наследи.
Комуникација со луѓе
Знаете дека децата впиваат се она што не треба? Затоа внимавајте што зборувате во нивно присуство бидејќи вашиот речник, изрази и интонација ги копираат до најситниот детал. Освен вашиот начин на комуникација, вашете дете од вас ќе наследи и други комуникациски вештини. Дали враќате на телефонски повик, одговарате на мејлови… детето ќе развие иста таква комуникациска одговорност која ја гледал цел живот.
Точност
Да се стигне на време е доблест која не е одлука на многу луѓе. Ако сте мајка која очекува точност од етето, потрудете се и вие самите да бидете точни во секој поглед, и секако да го исполните она што сте го ветиле. Патот кон точноста води преку воспоставувањето на дневна рутина, Рутината значи дека нешто се случува секогаш во исто време. Повторувајќи некои случувања од вашиот секојдневен живот во исто време (капење, спиење, јадење), и вашето дете ќе научи да го цени туѓото, но и своето време.
