Не плашете се да доите: Најновата италијанска студија покажува дека коронавирусот не се пренесува на новороденчето преку мајчиното млеко

Притоа мајките позитивни на COVID-19 се придржувале до сите здравствени мерки - користеле маски за лице, одржувале хигиена на рацете и редовно ги дезинфицирале предметите што ги користеле. Ниту едно бебе не се заразило со COVID-19

Резултатите се охрабрувачки и за мајките и за здравствените работници кои се грижат за здравјето на мајките и децата

Мајчиното млеко е безбедно и ако мајката е заразена со коронавирус, тој не се пренесува на новороденчето преку доењето, се резултатите од истражувањето спроведено од експерти од Одделот за неонатологија на Универзитетот во Торино, а објавено во понеделникот во стручното списание „Frontiers in Pediatrics“.

„Микробиолошките анализи покажаа дека коронавирусот не се пренесува од мајката на бебето преку доење, што е многу важен наод“, истакна професорот Дејвид Лембо, директор на Универзитетската лабораторија за молекуларна вирусологија, кој го водеше истражувањето.

На Универзитетот во Торино со години се истражува антивирусното дејство на мајчиното млеко

Притоа мајките позитивни на COVID-19 се придржувале до сите здравствени мерки – користеле маски за лице, одржувале хигиена на рацете и редовно ги дезинфицирале предметите што ги користеле. Ниту едно бебе не се заразило со COVID-19.

Доењето е важен извор на здравје за новороденчето и е исклучително важно за зајакнување на имунитетот на бебето

„Резултатите се охрабрувачки и за мајките и за здравствените работници кои се грижат за здравјето на мајките и децата“, истакна проф. Лембо.

Истражувањето оди и во прилог на препораките на СЗО, кои и покрај лимитираните достапни информации досега, а земајќи ги предвид сите придобивки врз имунолошкиот систем на детето, исто така им препорачува доење на Ковид-позитивните мајки, објасни координаторот на истражувањето и директор на Неонатологија во болницата во Торино „Света Ана“, Енрико Бертино.

Проф. Давид Лембо

Проф. Лембо вели дека на Универзитетот во Торино со години се истражува антивирусното дејство на мајчиното млеко, додавајќи дека се откриени и некои негови нови активни состојки кои можат да го заштитат новороденчето од вирусни инфекции.

„Од оваа причина, освен во исклучителни случаи, доењето е важен извор на здравје за новороденчето и е исклучително важно за зајакнување на имунитетот на бебето“, заклучува Лембо.

 

  • ПРОЧИТАЈТЕ И…

Д-р Мими Кимовска-Христова, претседателка на Kомитетот за доење: Никаде во ниту една студија не е докажано присуство на вирусот SARS-CoV-2 во мајчиното млеко