Истражувањето покажало дека новата верзија на вирусот сочинувала повеќе од осум од десет случаи во Велика Британија, скоро исто толку во Шпанија, 60 проценти во Ирска и до 40 проценти во Швајцарија и Франција, пишува „Фајненшл тајмс“
Сој на коронавирус, кој потекнува од шпанските земјоделски работници, од летото брзо се шири низ цела Европа, а сега ги сочинува повеќето нови случаи на COVID-19 во неколку земји. Во Велика Британија, на пример, отпаѓаат дури 80 проценти од новите случаи на инфекција со новиот сој, пишува „Фајненшл тајмс“.
Меѓународен тим на научници, кој го следи вирусот преку неговите генетски мутации, во истражувачки труд го опишува необичното ширење на верзијата на коронавирусот, наречена 20A.EU1.
Нивниот труд сугерира дека луѓето кои се враќале од летните одмори во Шпанија одиграле клучна улога во пренесувањето на вирусот низ цела Европа, прашувајќи се дали вториот бран што моментално го погодува континентот би можел да се намали со подетални прегледи на туристите на аеродромите и другите сообраќајни патишта.
Бидејќи секоја варијанта на вирусот има свој генетски потпис, може да се следи до местото од каде што потекнува.
„Од ширењето на 20A.EU1 се чини јасно дека мерките за спречување на ширењето на вирусот честопати не биле доволни за да се запре понатамошното пренесување на новите соеви на вирусот ова лето“, изјави Ема Ходкрофт, генетичар на Универзитетот во Базел и лидер на студијата која наскоро ќе биде објавена.
Тимовите работат специјално со лаборатории за вирусологија за да утврдат дали 20A.EU1 носи одредена мутација во „шилестиот“ протеин што вирусот го користи за да влезе во човечките клетки, што може да го промени неговото однесување
Тимови на научници во Швајцарија и Шпанија сега забрзано го испитуваат однесувањето на оваа верзија на коронавирусот за да утврдат дали е можеби посмртоносна или позаразна од другите соеви.
Д-р Ходкрофт сепак нагласува дека „нема докази дека брзото ширење на овој сој е последица на мутацијата која го зголемува пренесувањето или влијае на клиничкиот исход по инфекцијата“. Таа додава дека 20A.EU1 е различна од која било верзија на коронавирусот на која наишла порано.
„Не сум видела ниедна верзија со таква динамика се додека не ги видов геномските секвенци на коронавирусот во Европа“, истакнала д-р Ходкрофт.
Тимовите работат специјално со лаборатории за вирусологија за да утврдат дали 20A.EU1 носи одредена мутација во „шилестиот“ протеин што вирусот го користи за да влезе во човечките клетки, што може да го промени неговото однесување.
Сите вируси развиваат мутации – промени во нивниот генетски код – кои можат да се групираат во нови верзии и соеви. Идентификувана е уште една мутација на коронавирусот, наречена D614G, за која се верува дека го прави вирусот позаразен
Истражувањето покажало дека новата верзија на вирусот сочинувала повеќе од осум од десет случаи во Велика Британија, скоро исто толку во Шпанија, 60 проценти во Ирска и до 40 проценти во Швајцарија и Франција, пишува „Фајненшл тајмс“.
Карантините во изминатата пролет помогнаа да се држи првичниот корона бран под контрола, со нови случаи значително намалени во текот на летото. Но, вирусот брзо се шири во Европа во последните неколку недели, принудувајќи ги европските влади да воведат нови ограничувања на социјалните активности.
