Нова студија: Симптомите на омикрон кај вакцинираните лица траат два дена пократко отколку кај делта

Откриено е дека луѓето по инфекција со омикрон имаат помала веројатност да завршат во болница и да го изгубат сетилото за мирис отколку луѓето кои се заразиле со делта

Нова студија на Кралскиот колеџ во Лондон и научниците од ЗОЕ покажала дека луѓето кои ќе се заразат со омикрон имаат помалку сериозни симптоми од оние кои се заразени со делта сојот, пренесува „Скај Њуз“.

Откриено е дека луѓето по инфекција со омикрон имаат помала веројатност да завршат во болница и да го изгубат сетилото за мирис отколку луѓето кои се заразиле со делта. Исто така, симптомите на омикрон кај вакцинираните лица траат во просек два дена пократко отколку кај делта.

Според новото истражување, губење на мирисот се случило во 52,7 отсто од случаите на делта и помалку од 20 отсто од случаите на омикрон, што е најголемата разлика помеѓу двете варијанти. Сепак, симптомите на воспалено грло и зарипнат глас се јавуваат во случај на инфекција и кај двете варијанти

Овие наоди ги поддржуваат претходните студии кои сугерираат дека времето на инкубација и периодот на инфективност за омикрон се пократки отколку за претходните соеви на Ковид.

Губењето на мирисот е почест кај делта инфекциите

Според новото истражување, губење на мирисот се случило во 52,7 отсто од случаите на делта и помалку од 20 отсто од случаите на омикрон, што е најголемата разлика помеѓу двете варијанти. Сепак, симптомите на воспалено грло и зарипнат глас се јавуваат во случај на инфекција и кај двете варијанти.

Пецкање во очите, вртоглавица, грозница и главоболка биле значително поретки во случаите на омикрон, велат истражувачите. Иако постојат различни симптоми кај овие два соја, истражувачите од Кралскиот колеџ во Лондон продолжуваат да ги советуваат сите да се изолираат веднаш штом забележат какви било симптоми.

Биле проучени симптомите на 62.000 Британци

„Иако сè уште постои широк опсег на времетраење и сериозност на симптомите на омикрон, вакцинираните лица во просек имаат пократко времетраење на симптомите. Ова сугерира дека времето на инкубација и времето на заразност со омикрон може да бидат пократки“, рече професорката од Универзитетот во Лондон, Ана Валдес.

За да ги добијат резултатите од оваа студија, истражувачите од Кралскиот колеџ и ЗОЕ ги проучувале симптомите на 62.002 вакцинирани учесници од Обединетото Кралство кои биле позитивни во периодот помеѓу 1 јуни и 27 ноември 2021 година, кога делта била доминантна, и од 22 декември 2021 година до 17 јануари 17 оваа година, кога омикрон беше доминантен.