ОД ТАТКОТО РАК НА ДОЈКА, ОД МАЈКАТА ЌЕЛАВОСТ: Кои болести децата најчесто ги наследуваат од родителите

Семејното стебло игра голема улога во наследувањето на болестите.

Децата од родители може да наследат многу физички особини, но и болести. Земаме по две копии од секој ген од секој родител, а мутациите во одредени гени се главен тригер за наследните болести. Прв на скалата наследни болести е холестеролот, тврдат американските генетичари.

Холестерол

“Едно од 500 лица има генетска мутација што предизвикува наследна срцева болест која може да предизвика предвремен срцев или мозочен удар“, велат лекарите, додавајќи дека неспособноста на семејството да го регулира холестеролот кој се таложи во крвните садови.

“Дури ни ригорозни диети и вежби не помагаат, бидејќи гените го напраиле своето“, потенцираат лекарите.

Ракот на дојка се наследува од таткото

И додека за холестеролот можеби се виновни двата родитела, верувале или не, ракот на дојка се наследува од таткото. Имено, секој човек се раѓа со BRCA гени и BRCA2 кои не создаваат проблеми додека не мутираат. Жените кои наследуваат мутација од едниот или од двата гени од таткото,  имаат поголем ризик од развој на рак на дојка.

Експертите утврдиле дека овие гени не се опасни по здравјето на мажите, бидејќи ракот на дојка меѓу нив е ретка појава, додека тоа не може да се каже за жените.

Од мајката ја губиме косата

Ако за губењето на косата го обвинувате машкиот дел од семејството, се обраќате на погрешна адреса. Генот кој има клучна улога во ќелавоста се наоѓа на Х хромозот кој мажите секогаш го наследуваат од мајката, додека жените истиот ген го добиваат од двајцата родители.

Дијабетес тип 2

Дијабетесот тип 2 најчесто е предизвикан од неуреден начин на живот, но истражувањата покажуваат дека дури 6% од младите имаат знаци на оваа болест, иако не воделе забрзан живот и редовно вежбале. И тука проблемот е генетската мутација, па тоа е форма на дијабетес која треба на време да се препознае и која со терапија може да се контролира со години.

Интолеранција на лактоза

Нетолеранцијата на лактоза исто така може да предизвика големи проблеми во целиот организам. Се манифестира со силна водена столица која се појавува веднаш по првиот млечен оброк.

Во таа ситуација доаѓа до значително губење на хранливи материи, па новороденчето не напредува доволно, доаѓа до дехидрација, може да дојде до хипогликемија и ацидоза. По воведувањето на исхрана без лактоза, симптомите престануваат, детето добива тежина и растот и развојот се нормализираат.

“Вродената нетолеранција е ретка, но 65% од возрасните доживеале дигестивни пречки по консумирање на млечни производи“, тврдат лекарите, додавајќи дека оваа чувствителност се намалува со возраста.

И долготрајните главоболки се наследни

“Склоноста кон долготрајни и силни главоболки проследени со мачнина е  наследна во дури 70 до 80 проценти од случаите“, вели д-р Кејт Хенри од Њујорк. Научниците откриле дека еден ген предизвикува мигрена и често се наследува од родителите.

Срцевите проблеми доаѓаат од мајката

Ако вашата мајка имала проблеми со срцето, веројатноста дека и вие ќе ги имате е за 20 отсто поголема.