Респираторните инфекции се многу чести кај децата. Понекогаш овие инфекции можат да преминат во пневмонија (воспаление на белите дробови). Ако вашето дете има пневмонија, знаците и симптомите што ќе ги искуси ќе зависат од неговата возраст, видот на организмот (бактерија или вирус) што ја предизвикува инфекцијата, тежината на болеста и други постоечки здравствени состојби.
Најчести знаци на пневмонија се:
- кашлица и
- забрзано дишење.
Вашето дете може да покажува и знаци на тешкотии при дишењето, вклучувајќи:
- ширење на ноздрите при вдишување,
- специфичен звук при издишување,
- користење на стомачните и вратните мускули за дишење.
Пневмонијата претставува воспаление на белите дробови и може да се јави кај деца од сите возрасти, па затоа е важно родителите да ги препознаат раните симптоми и навреме да побараат лекарска помош
Други знаци и симптоми на пневмонија може да вклучуваат:
- општо чувство на слабост,
- немир,
- раздразливост,
- летаргија или поспaност,
- губење на апетит,
- треска,
- главоболка.
Понекогаш децата со пневмонија имаат болки во стомакот, мачнина и повраќање (особено по кашлање). Болки во градите може да се појават, но се поретки отколку кај возрасните.
Дијагноза
Лекарот може да постави дијагноза на пневмонија врз основа на симптомите, физичкиот преглед и резултати од рендген на градниот кош на вашето дете.
ВИДОВИ ПНЕВМОНИЈА
- Бактериска пневмонија
Пневмонијата предизвикана од бактерии најчесто зафаќа еден лобус (дел) од белодробието. Може да се појави кај деца на која било возраст и често започнува многу брзо. Најчесто е придружена со висока температура и продуктивна кашлица (со секрет), иако децата најчесто го голтаат секретот наместо да го искашлуваат.
Организмот познат како Mycoplasma pneumoniae е еден од најчестите причинители на пневмонија кај деца од училишна возраст и млади возрасни. Ретко се среќава кај бебиња и мали деца
Видот на бактеријата што ја предизвикува инфекцијата варира во зависност од возраста, но најчестата бактерија одговорна за бактериска пневмонија кај децата е Streptococcus pneumoniae (пневмокок), при што најризични се малите деца. Сепак, со воведувањето на вакцините што штитат од пневмокок во редовниот календар за детска имунизација, бројот на случаи на пневмококна пневмонија значително се намалил.
Антибиотик на база на пеницилин е стандардниот третман што лекарите го користат за третирање на бактериска пневмонија.
- Вирусна пневмонија
Пневмонијата што е предизвикана од вирус најверојатно е најчестиот тип на пневмонија кај деца од сите возрасти, иако најчесто ги зафаќа бебињата и децата од предучилишна возраст.
Вирусите имаат тенденција да не се ограничуваат на еден лобус на белите дробови, туку имаат пошироко распространет, нерамномерен ефект. Симптомите може да бидат поразновидни отколку кај бактериската пневмонија — болеста може да започне брзо или постепено, и може да има или да нема треска.
Антибиотиците не помагаат кај вирусната пневмонија. Најчесто децата со вирусна пневмонија се опоравуваат самостојно во период што може да трае од неколку дена до неколку недели. Кај повеќето деца кашлицата трае уште неколку недели по завршувањето на инфекцијата.
- Микоплазма пневмонија
Организмот познат како Mycoplasma pneumoniae е еден од најчестите причинители на пневмонија кај деца од училишна возраст и млади возрасни. Ретко се среќава кај бебиња и мали деца. Најчесто се јавува во епидемии во затворени групи, како што се семејства и интернати.
Вообичаено, микоплазма пневмонијата се развива постепено, со симптоми како што се болка во грлото, настинка, блага покачена температура и општо чувство на слабост. Со текот на инфекцијата, кашлицата обично се влошува, а кај детето може да се јави и отежнато дишење. Лекарот може да ја потврди дијагнозата со рендген-снимка од белите дробови и тест на крвта. Третманот обично вклучува антибиотици како кларитромицин или рокситромицин.
