Burnout е поим кој е одамна воспоставен и значи прегорување на човек поради некоја активност. Најчесто тоа се случува на работа и поради работа, но всушност е сосема логично да се случува и поради сето она што со себе го носи мајчинството.
Всушност, колку често се чувствувате како некој од вас да го извлекол последниот атом на сила? Како да не можете да направите апсолутно ништо и ништо не може да ве придвижи? Ако можете да се препознаете во ова, можеби и вам ви се случил burnout, и тоа оној во мајчина област, односно предизвикан од родителските обврски и се друго што со себи носи мајчинството. Burnout е хронична состојба која се карактеризира со физичка, ментална и емоционална исцрпеност, а се јавува кога постојаниот стрес ја намалува енергијата на човекот – во овој случај, на мајката.
Прегорувањето е проблематично не само за мајката која го доживува, туку и за децата кои може да бидат погодени од тоа. Burnout на мајката го става детето на ризик од запоставување, а во покритични случаи дури и злоупотреба
Личноста која доживува burnout во родителската област може да се препознае по ова:
- Упорно ја следи огромна и катастрофална родителска исцрпеност;
- Се споредува себеси со своето поранешно јас како родител кој бил подобар (и чувствува срам и вина за тоа како работите порано биле поинакви);
- Чувствува дека повеќе не може да го поднесе родителството и дека и е доста од се;
- Емотивно се оградува од децата и го прави минимумот од она што е потребно, само она што е нужно за да се заврши задачата.
Еве неколку секојдневни симптоми за да видите дали сте во опасност или веќе доживувате burnout како мајка:
- Постојано сте уморни
Ако правите сè што треба и што сте прочитале дека треба да се направи: правилно се храните, вежбате, правите паузи кога е потребно и слично, но и понатаму се чувствувате константно исцрпено секој пат кога комуницирате со вашите деца, можеби доживувате burnout.
- Мрзоволни сте или викате (дури и кога не го мислите тоа)
Некои мајки викаат за да ги натераат своите деца да го направат она што сакаат, а некои мајки се чувствуваат како да не можат да си помогнат. Ако викате дури и тогаш кога сте добро расположени, па дури и ви се чини дека викањето е единствениот начин на кој зборовите излегуваат од вашата уста, можно е да сте доживеале burnout.
- Се чувствувате „недоволно добри“
Мајките се изложени на многу осуди и критики – од некоја причина, друштвено е прифатливо да им се каже на мајките дека тие се причината поради која нивното дете не е одреден тип на личност. Како може еден човек да биде одговорен за секој збор, мисла, чувство и акција преземена од друго живо суштество? Токму таквите очекувања дека треба да се контролираат неконтролираните или непредвидливите постапки на децата се една од многуте причини зошто мајките се чувствуваат како да „не се доволно добри“ во мајчинството.
- Желба да се „извлечете“
Дали некогаш сте посакале мајчинството да биде работа со полно работно време за да можете да дадете отказ или да ја промените работата? Многумина од нас се чувствуваат така, особено кога не гледаат крај на секојдневните физички и емоционални барања на мајчинството. Можеби доживувате burnout ако се плашите да им се вратите на мајчинските обврски дури и откако сте си земале малку слободно време за себе.
Дали некогаш сте посакале мајчинството да биде работа со полно работно време за да можете да дадете отказ или да ја промените работата? Многумина од нас се чувствуваат така, особено кога не гледаат крај на секојдневните физички и емоционални барања на мајчинството. Можеби доживувате burnout ако се плашите да им се вратите на мајчинските обврски дури и откако сте си земале малку слободно време за себе
- Доживувате само негативни интеракции со вашите деца
Burnout или прегорување е незгодна работа. Дури и кога мислите дека давате се од себе, тоа ве тера да се фокусирате само на негативното. Ако се „фатите“ дека разговарате со вашите деца само со цел да го поправите нивното недолично однесување или да ги насочите да направат нешто, можеби се работи за burnout, што може да влијае на вашата способност да ги видите вашите дневни успеси во родителството, па дури и воопшто да не ја чувствувате радоста што ви ја носат децата.
Зошто мора да го препознаеме прегорувањето во улогата на мајка?
Препознавањето на burnout е важно бидејќи ќе ви помогне да разберете кои чекори треба да ги преземете понатаму. Прегорувањето е проблематично не само за мајката која го доживува, туку и за децата кои може да бидат погодени од тоа. Burnout-от на мајката го става детето на ризик од запоставување, а во покритични случаи дури и злоупотреба, што е нешто што дури и мајката која доживува burnout не го сака за своето дете.
Ако сфатите или само се сомневате дека доживувате burnout на мајчинско поле, важно е да реагирате навреме. Ако не можете да направите или да промените ништо сами, многу е важно да побарате помош – прво од блиски луѓе, а потоа и од експерти.
