ПИШУВА:
Прим. д-р Борислав Гогушевски
оториноларинголог
♦♦♦♦♦♦♦
Доколку ова не помогне во период од најмногу 15-20 минути, но секако во зависност и од интензитетот на крвавењето, треба да се бара помош од стручно лице односно од лекар. Кои се опциите во тој поглед? Да се локализира причината за крвавењето при прегледот, евентуално ако се види крвниот сад и доколку е помало крвавењето првично може да се направи т.н. хемиска каутеризација – се премачкува крвниот сад со сребрен нитрат и на тој начин треба да се постигне крвниот сад да затвори и да се избегне односно намали веројатноста од повторно крвавење. Во секој случај, оваа постапка понекогаш е потребно да се повтори, да се направи дополнително премачкување.
За добра проценка на состојбата на носните простори би било добро да се направи прецизна евалуација/најдобро со помош на назофиберскоп, со цел да се утврдат евентуално дополнителни локални причини за крвавењето, во иницијалната фаза или по запирање на крвавењето.
Доколку крвавењето е пообилно се прави тампонада на носот и затворање на носните простори со тампони коишто треба привремено, во период најчесто од 48 до 72 часа, да го затворат носот и да овозможат затворање на крвниот сад и спречување на крвавењето.
Доколку е помало крвавењето првично може да се направи т.н. хемиска каутеризација – се премачкува крвниот сад со сребрен нитрат и на тој начин треба да се постигне крвниот сад да затвори и да се избегне односно намали веројатноста од повторно крвавење
Со цел да се процени интензитетот на крвавењето, особено кај пообилните крвавења потребно е да се направи контрола на крвната слика. Важен дел од третманот секако подразбира и контрола на ризик факторите.
Кај повторувачките крвавења потребно е да се направат дополнителни испитувања/испитување на хемостаза, испитување на агрегација на тромбоцити итн./, по потреба трансфузиолошка или хематолошка проценка зависно од наодите.
Покрај хемиска каутеризација постои и електрокаутеризација, како опција во третманот на крвавењата од носот, ретко возможна во иницијалниот стадиум. Се изведува со посебен инструмент електрокаутер, најчесто во операциона сала и во локална анестезија. Принципот е ист – локализирање на крвниот сад, затворање на крвниот сад во овој случај по пат на електрокаутеризација/условно кажано „горење“ со цел да се спречи крвавењето.
Само мал дел од носните крвавења се јавуваат од задните делови на носот, тие се поспецифични бидејќи крвните садови се понедостапни и бараат поинаков третман. Во овие случаи потребно е дополнително ставање на тампони или балон катетри кон задниот дел на носот/и назофаринкс т.н. задна тампонада. Но, за среќа, пак ќе кажам, се работи за мал број на такви случаи.
◊◊◊◊◊◊◊
ПОВЕЌЕ ОД ИСТИОТ АВТОР, ПРИМ. Д-Р БОРИСЛАВ ГОГУШЕВСКИ:
- СИНУЗИТИС – Хируршкиот третман е индициран кај хроничните, рецидивирачки или пролонгирани форми на воспаление на синусите
- Акутниот синузит најчесто почнува со симптоми на настинка и трае најмногу 2-4 недели
- Дисфункцијата на Евстахиевата туба е основен механизам за појава на секреторен отит кај децата
- Дилеми при дефинирање на третманот на секреторниот отит кај децата (2)
