Кога децата ќе научат да одат и почнуваат да трчаат наоколу, паѓањата може да бидат чести. Без разлика дали се работи за фудбалско игралиште или парк, невозможно е детето секогаш да се заштити од повреди.
Ударите во глава се особено чести кај децата, а експертите за пружање прва помош д-р Кавја Кудитипуди и д-р Раја Чаганти од „Two Aussie Doctors“, добро знаат дека понекогаш може да биде навистина тешко за родителите да проценат кога е оправдано одењето во болница.
Уште еден знак за загриженост е сунѓерестиот оток кој е мек на допир. „Ова може да укажува на внатрешно крвавење и потребно е да се побара лекарска помош“, предупредуваат лекарите
Иако најчесто џумката на главата не е причина за загриженост, има некои симптоми на кои треба да внимавате и да побарате итна медицинска помош доколку се појават. Тоа се:
- главоболка, напади, несвестица,
- проблеми со видот како заматен или двоен вид,
- абнормални промени во однесувањето,
- вртоглавица, повраќање,
- дисфункција на рамнотежата со слабост или вкочанетост во нозете и рацете,
- нејасен говор,
- проблеми со памтењето, конфузија и дезориентација,
- слаба концентрација.
„Доколку вашето дете е будно по повредата, но ви се чини дека не е добро или не реагира соодветно, не е лошо да се обратите на доктор “, додаваат и појаснуваат дека тоа може да се однесува, на пример, доколку детето е збунето, не е свесно каде е или што му се случило.
Уште еден знак за загриженост е сунѓерестиот оток кој е мек на допир.
„Ова може да укажува на внатрешно крвавење и потребно е да се побара лекарска помош“, предупредуваат лекарите.
Како да се лекува повреда на главата?
Ако повредата е блага, смирете го детето. Ако детето се жали на болка, можете да му дадете средство за намалување на болката и да ставите ладна облога на местото каде што се удрило. И запомнете, ако сте во дилема и се сомневате, секогаш е подобро да побарате стручен совет.
