Расте интересот за примање трета доза вакцина против Ковид-19 во нашата земја. Истата може да се прими најмалку шест месеци по примање на втората, без закажување, со вакцина на производителот „Фајзер“ (без разлика од кој производител се примени првите две дози). Што може да очекувате по примање на третата доза од вакцината против Ковид-19?
1. Го зајакнува имунолошкиот одговор на Ковид-19
Бустер дозата против Ковид-19 го зајакнува одговорот на вашиот имунолошки систем на вирусот што ја предизвикува болеста Ковид-19.
Како и првите две дози, третата доза го учи телото да ги создава шилестите протеини што се наоѓаат на површината на коронавирусот, за да може имунолошкиот систем да го препознае, да се бори и да го елиминира.
2. Ги зајакнува вашите антитела
Студиите покажаа дека ако првично сте примиле вакцини Фајзер или Модерна, бустер дозите на тие компании го зголемуваат бројот на антитела (борците на имунолошкиот систем кои ги пронаоѓаат и неутрализираат патогените што предизвикуваат болест) на Ковид-19 за околу 10 пати.
ФДА објави листа на несакани ефекти кои најчесто ги имале учесниците во клиничкото испитување на бустер дозите на Фајзер и Модерна. Тие се слични и вклучуваат болка, црвенило и оток на местото на инјектирање, замор, главоболка, болки во мускулите или зглобовите и грозница
Една студија покажала дека луѓето кои ја примиле вакцината Џонсон и Џонсон, а потоа примиле бустер доза на Фајзер, забележале дека нивните антитела се зголемиле за 35 пати.
3. Не ве прави непобедливи
Примањето трета доза против Ковид-19 не гарантира дека нема да се заразите со коронавирус. Сепак, таа ви дава сериозна заштита од тешка болест, хоспитализација или смрт од Ковид-19.
4. Може да имате несакани ефекти слични на претходните дози
Како и со почетните дози на вакцината, некои луѓе може да доживеат благи несакани ефекти по примање на бустер дозата. Тоа е добар знак – вашиот имунолошки систем учи како да се бори против инфекција со коронавирус. (Некои луѓе не доживуваат несакани ефекти и тоа не значи дека вакцината не функционира).
ФДА објави листа на несакани ефекти кои најчесто ги имале учесниците во клиничкото испитување на бустер дозите на Фајзер и Модерна. Тие се слични и вклучуваат болка, црвенило и оток на местото на инјектирање, замор, главоболка, болки во мускулите или зглобовите и грозница.
ФДА рече дека кај луѓето кои добиле Модерна, отечените лимфни јазли на пазувите биле почести по бустерот отколку по почетните две дози. Освен тоа, не е пријавено дека несаканите ефекти од засилувачите се посериозни од оние кои се доживуваат со почетните дози.
5. Како да останете безбедни
Следете ги основните правила и помогнете да се стави крај на оваа пандемија – без разлика каде живеете – вакцинирајте се што побрзо, ако живеете во област со ниски стапки на вакцинација, носете маска за лице N95, не патувајте, одржувајте социјално растојание, избегнувајте големи гужви, не одете во затворени простории со луѓе со кои не живеете (особено во барови), практикувајте добра хигиена на рацете. (Eat This)
