Потребно:
- 3 јајца
- 1 лажичка ванилин шеќер
- 60 гр шеќер
- 50 мл масло
- 150 мл млеко
- 160 гр брашно
- 30 гр какао
- 1 лажичка прашок за печиво
- 70 гр рикота сирење
- 40 гр кондензирано млеко
- 100 мл слатка павлака
- 100 гр вишни
И уште:
- 120 гр чоколадо
- 70 мл слатка павлака
- Кокос
Подготовка: Јајцата се матат со ванилиниот шеќер, па постепено се додава шеќерот и се матат додека не се добие пенеста и бела смеса. Потоа додадете масло и млеко и продолжете со матење. Потоа во смесата додадете го просеаното брашно со какао и прашок за печиво. Нежно измешајте и истурете во плех обложен со хартија за печење. Израмнете и печете во загреана рерна на 180°C околу 20 минути. Потоа земете кружен сад и исечете круг од тестото. Измешајте го сирењето рикота со кондензираното млеко, па додадете ја слатката павлака и изматете. Остатокот од тестото исечкајте го и додадете го во филот, па додајте ги вишните и измешајте. Потоа садот што сте го користеле да исечете круг од тестото, обложете го со проѕирна фолија, па истурете го филот и одозгора ставете го кругот од тестото. Покријте со проѕирна фолија и ставете во фрижидер неколку часа. Потоа извадете го колачот од садот и премачкајте го со чоколадото што сте го стопиле со слатката павлака, а потоа посипете со кокос. Ставете го десертот во фрижидер половина час и послужете. Добар апетит!
