Потребно:
- 500гр готово лиснато тесто
- 150гр несолен путер
- 150гр чоколадо за готвење (70% какао)
- 8 лажици какао во прав
- 4 јајца
- Малку сол
- 200гр шеќер
- 3 лажици слатка павлака
Подготовка: Путерот, чоколадото, какаото и солта ставете ги во чинија над тенџере со зовриена вода и оставете полека се да се стопи. Повремено мешајте се да се соедини. Во друг сад изматете ги јајцата и шеќерот да бидат кремасти, а потоа додадете ја слатката павлака. Промешајте и додадете го стопеното чоколадо. Се убаво соединете. Калапот за тарт обложете го со готовото лиснато тесто, кое претходно сте го одмрзнале. Врз тестото ставете ја смесата. Ставете да се пече во загреана рерна и печете на 150 степени, околу 40-45 минути. Оставете тартот убаво да се олади, па послужете го.
