Потребно:
За бисквитот:
- 4 јајца
- 100 шеќер
- 100 гр темно чоколадо
- 200 гр путер
- 50 гр брашно
- 1 кесичка прашок за печиво
За ганашот:
- 500 мл слатка павлака
- 200 гр темно чоколадо
Подготовка: Загрејте ја рерната на 180 степени. Одделете ги белките од жолчките. Изматете ги жолчките и шеќерот да добиете пенеста смеса. Додадете путер и чоколадо што сте го стопиле на пареа, па брашно помешано со прашок за печиво. На крајот со рака и со лесни движења измешајте го снегот од белки. Печете во мал плех кој сте го премачкале со масло и брашно околу 20 минути. Додека се пече бисквитот загрејте ја слатката павлака, но не дозволувајте да зоврие. Тргнете ја од оган и додадете го ситно сечканото чоколадо. Промешајте со жица да се растопи. Треба да добиете темна, мазна и доста течна смеса, односно прелив. Веднаш прелијте го ганашот врз свежо испечениот бисквит и оставете го да се излади на собна температура. Префрлете го колачот во фрижидер, по можност преку ноќ. Не грижете се што кремот е доста течен и откако ќе се олади на собна температура. ќе се стегне во фрижидер. Добар апетит!
