Потребно:
- 400мл млеко
- 50мл масло
- 40гр свеж квасец
- 2 јајца
- 1 лажица шеќер
- Прстофат сол
- 700гр брашно + 100гр за посипување и месење тесто
Подготовка: Во топлото млеко додајте го издробениот квасец и шеќерот и измешајте. Во него додајте половина од брашното и сè соединете со жица за матење. Потоа додајте масло, изматени јајца и сол и повторно измешајте. Додајте го остатокот од брашното, па изматете со лажица. Додадете уште 50 грама од брашно. Тестото ќе биде меко и ќе се лепи за раце, но така треба. Обликувајте го со лажица, посипете го со малку брашно, па покријте го со крпа и оставете го да отстои околу 30 минути за да се удвои. Расукајте го тестото и развлечете го на дебелина од еден сантиметар, вадете крофни со калап за крофни и прекријте ги исечените крофни со крпа, па оставете ги да одморат 20 минути. Загрејте го маслото и испржете ги крофните. Полнете ги по желба. Добар апетит!
