РЕЦЕПТ НА ДЕНОТ: Јунешки гулаш што се топи во уста

Совршена идеја за ручек кој ќе ги израдува сите членови на семејството – од најмалите до најстарите.

Потребно:

  • 500гр јунешко месо од бут
  • 2 главици кромид
  • 3 чешниња лук
  • 2 мороква
  • 1 пашканат
  • 1 лажица брашно
  • Ловоров лист
  • Бибер
  • Сув зачин
  • Мелен црвен пипер
  • Сол

Подготовка: Исечкајте и пропржете го кромидот малку да зарумени. Додадете го месото, испржете го од двете страни, така да не биде црвено. Додадете вода, а потоа додадете го и останатиот зеленчук кој преходно сте го исечкале. Ставете по малку од сите зачини и 2-3 ловорови листови. Водата ставете толку колку да покрие се што се наоѓа во тенџерето. Намалете на средна температура и оставете да се вари додека не омекне месото. Повремено проверувајте, додадете ако треба вода и промешајте. Кога месото ќе се свари, во чинија измешајте го црвениот пипер и брашното и разматете со малку вода да нема грутки. Доадете во месото и промешајте. Оставете да се вари уште 10 минути со повремено мешање. По желба додадете уште малку зачини. Изборот за прилог нека биде варени тестенини, ориз или пире од компири.