РЕЦЕПТ НА ДЕНОТ: Кашичка од авокадо, зеленчук и цимет 8+

Овој предлог рецепт е интересен начин да подготвите кашичка за ручек, во необична комбинација на зеленчук, авокадо и цимет како зачин.

Потребно:

  • 1 парче авокадо (исечкано на коцки)
  • 1 морков (исечкан на коцки)
  • Една четвртина од црвен компир (сиечкана на коцки)
  • Цимет

Подготовка: Излупете ги морковот и компирот, исечкајте ги на коцки и ставете ги вода да се варат, околу 10 минути, односно додека не омекант. Излупете го авокадото и исечкајте го на коцки и изблендирајте го со малку цимет. Кога ќе се свари зеленчукот, исцедете го и ставете го да се блендира заедно со авокадото. Миксирајте додека не добиете кашеста смеса. Поради масноста на авокадото и сувоста на компирот и морковот, можеби ќе биде потребно да додадете малку превриена чиста вода, за да евентуално ја разредите кашата. Почекајте да се олади и тогаш понудете му ја на бебето. Не претерувајте со циметот, количината на еден прстофат е сосема доволна.