РЕЦЕПТ НА ДЕНОТ: Летни лазањи со зеленчук

Ова е рецепт за кремасти лазањи кои се еднакво вкусни како и оние со месо. Нема ниту да забележите дека нема месо и ќе уживате во вкусот на зеленчукот.

Потребно:

  • 500гр лазањи
  • 1 кромид
  • 2 чешниња лук
  • 1 морков
  • 1 тиквица
  • 2 пиперки
  • 2 домата
  • ½ модар патлиџан
  • Сол
  • Црн пипер

За бешамел сосот:

  • 700мл млеко
  • 3 лажици брашно
  • 200гр пармезан
  • Малку масло

И уште:

  • 200гр кашкавал
  • 250гр моцарела

Подготовка: Зеленчукот исечете го на коцки. На малку масло пропржете го кромидот, па додадете го останатиот зеленчук. Зачинете по вкус и динствувајте на средна температура околу 20 минути со повремено мешање. Во друго тавче ставете масло, па кога ќе се загрее додадете го брашното и пржете додека не добие златна боја. Тргнете го од оган и додавајте по малку млеко мешајќи да не останат грутчиња. Вратете на рингла и мешајте додека сосот не згусне. Додадете малку сол, а потоа и пармезанот. На дното од огноотпорниот сад ставете еден ред лазањи, потоа зеленчукот, бешамел, па пак кори лазањи. Постапката повторувајте ја додека имате материјал. Последниот ред треба да биде тестенина, а потоа врз неа ставете ги ренданиот кашкавал и моцарела. Рерната загрејте ја на 180 степени, садот покријте го со алуминиумска фолија и печете половина час. Тргнете ја фолијата и печете уште 15 минути. Добар апетит!