Хантавирусот е заразна болест која се карактеризира со симптоми слични на грип, кои можат брзо да прогресираат и да доведат до проблеми со дишењето кои можат да бидат потенцијално опасни по животот. Неколку видови хантавируси можат да предизвикаат хантавирусен пулмонален (белодробен) синдром. Него го пренесуваат неколку видови глодачи. Вирусот се наоѓа во плунката, урината и изметот на различни глодари. Исто така, до зараза може да дојде и преку вдишување контаминиран воздух. Можностите за лекување се ограничени, па затоа најдобра заштита е избегнувањето на глодачите и нивните живеалишта. Инкубацијата може да трае од 7 до 36 дена.
СЗО: ОВА НЕ Е ПОЧЕТОК НА НОВА ПАНДЕМИЈА
Ситуацијата со крузерот „МВ Хондиус“, на кој поради реткиот „андески сој“ на хантавирус досега починаа три лица, останува под строг меѓународен надзор додека бродот плови кон Канарските Острови. Иако овој специфичен сој, кој најверојатно се појавил по испловувањето од Аргентина, има висока стапка на смртност и ретка способност за пренос од човек на човек, експертите од СЗО нагласуваат дека случајот не претставува почеток на нова пандемија, туку изолиран инцидент.
Во овој момент нема регистрирани случаи, патници или блиски контакти поврзани со Република Северна Македонија, ниту постојат индикации за ризик по јавното здравје во земјава
Додека шпанските власти подготвуваат ригорозни карантински протоколи за безбедна евакуација на патниците во Тенерифе, надеж за трајно решение влева тимот од Универзитетот во Бат, кој веќе работи на развој на вакцина со успешни првични резултати.
ИНСТИТУТ ЗА ЈАВНО ЗДРАВЈЕ: НЕ ПОСТОЈАТ ИНДИКАЦИИ ЗА РИЗИК ПО ЈАВНОТО ЗДРАВЈЕ ВО ЗЕМЈАВА
Од Институтот за јавно здравје велат дека будно ја следат состојбата поврзана со мултинационален кластер на случаи на инфекција со хантавирус поврзан со патување на крузерот „МВ Хондиус“ во регионот на јужниот Атлантски Океан.
„Според информациите објавени од Светската здравствена организација (СЗО), Европскиот центар за превенција и контрола на болести (ECDC) и националните здравствени власти на засегнатите земји, досега се регистрирани 8 потврдени, како и сомнителни случаи кај патници и членови на екипажот, вклучително и 3 смртни исходи. Епидемиолошките, клиничките и лабораториските испитувања се во тек, а меѓународните здравствени институции спроведуваат координирана истрага со цел утврдување на изворот на инфекцијата, можниот начин на изложеност и проценка на ризикот. Според моментално достапните информации, изложеноста најверојатно е поврзана со активности и престој во области каде што постои природно присуство на глодачи – природни резервоари на хантавирусите. Во тек е дополнителна анализа за утврдување на точниот тип на вирусот и евентуалните фактори кои придонеле за појавата на кластерот“, објаснуваат од ИЈЗ.
Хантавирусите претставуваат група на зоонозни вируси кои циркулираат кај различни видови глодачи. Луѓето најчесто се инфицираат преку вдишување аеросоли контаминирани со урина, измет или секрети од инфицирани глодачи, како и преку директен контакт со контаминирани површини
Оттаму истакнуваат дека во овој момент нема регистрирани случаи, патници или блиски контакти поврзани со Република Северна Македонија, ниту постојат индикации за ризик по јавното здравје во државата.
ХАНТАВИРУСИТЕ – ГРУПА НА ЗООНОЗНИ ВИРУСИ
Хантавирусите претставуваат група зоонозни вируси кои циркулираат кај различни видови глодачи. Луѓето најчесто се инфицираат преку вдишување аеросоли контаминирани со урина, измет или секрети од инфицирани глодачи, како и преку директен контакт со контаминирани површини. Ограничен пренос од човек на човек е документиран само кај одредени типови хантавирус и се смета за редок. Заболувањето може да се манифестира со различна клиничка слика, од лесна фебрилна болест до потешки форми со зафатеност на бубрезите или белите дробови. Клинички најчесто се манифестираат во два основни синдрома: хеморагична треска со бубрежен синдром, која е регистрирана во нашата земја, и хантавирусен белодробен синдром.
Одделението за вирусологија при ИЈЗ располага со реагенси за детекција на оваа група вируси
Не постои специфична антивирусна терапија или вакцина за хантавирусна инфекција. Лекувањето е супортивно. Превенцијата на хантавирусните инфекции првенствено зависи од намалувањето на контактот меѓу луѓето и глодачите.
Одделението за вирусологија при ИЈЗ располага со реагенси за детекција на оваа група вируси, се вели во соопштението на Институтот за јавно здравје на РСМ.
