Потребно:
- 125 г бисквити
- 1 л млеко
- 200 г гриз
- 180 г шеќер
- 130 г путер
- 50 г бело чоколадо
- Шлаг за украсување
- По желба мелени лешници, бадеми или дополнителни бисквити
Подготовка: Накратко потопете ги бисквитите во млеко и ставете ги во плех за печење со димензии 20 × 30 см кој претходно сте го обложиле со хартија за печење или фолија. Одвојте мал дел од млекото и измешајте го со гризот и шеќерот, додека остатокот доведете го до вриење. Измешајте ја подготвената смеса во врелото млеко и варете на тивок оган додека не добиете густ крем сличен на пудинг. Додадете го белото чоколадо во топлата смеса и мешајте додека не се стопи. Покријте со фолија и оставете да се олади. Изматете го путерот и постепено додавајте го изладениот крем. Распоредете ја смесата врз бисквитите во тавата за печење. На крај, одозгора нанесете шлаг и посипете со додатоци по ваш избор, по желба. Ставете го колачот во фрижидер, по можност преку ноќ, за да се соединат сите вкусови и да се стегне текстурата. Добар апетит!
