РЕЦЕПТ НА ДЕНОТ: Наједноставен рецепт за тирамису

Светски познатиот десерт, тирамису, е познат по својата лесна подготовка и неповторливиот вкус. Со овој брз рецепт, неговата подготовка ќе ви одземе уште помалку време, а совршенството на вкусот ќе ве натера да земете „само уште едно“ парче.

Потребно:

  • 24 пишкоти
  • 1 ½ шолја силно црно кафе (разладено)
  • 250 гр маскарпоне
  • ½ шолја шеќер
  • 1 шолја изматена слатка павлака
  • 1 лажичка екстракт од ванила
  • 2 лажици какао во прав за посипување

Подготовка: Во сад изматете ги маскарпонето и шеќерот додека не добиете изедначена смеса. Во друг сад изматете ја павлаката со екстрактот од ванила додека не се стегне, но не премногу густо. Нежно измешајте ја павлака со смесата со маскарпоне додека сè не се соедини. Во помал плиток сад или калап ставете еден слој од пишкотите, претходно потопени во изладеното кафе. Половина од подготвениот крем рамномерно распоредете го врз пишкотите. Врз кремот ставете го вториот слој пишкоти, па потоа повторно ставете го остатокот од кремот. Врз колачот нанесете како во прав. Ставете го во фрижидер и оставете да се стегне и излади најмалку четири часа или по можност преку ноќ. Пред сервирање по желба можете да го посипете со уште малку какао. Добар апетит!

ПОВРЗАНИ НАПИСИПОВЕЌЕ ОД АВТОРОТ