Потребно:
- 750гр брашно
- 100мл зејтин
- 4 лажици шеќер
- 1 јајце
- 1 жолчка
- 500мл млеко
- 40гр свеж квасец
- Малку сол
- Шеќер во прав
- 1 ванилин шеќер
Подготовка: Квасецот растопете го во 100мл топло млеко со малку шеќер и малку брашно и оставете да надојде. Додека расте, изматете ги јајцата со остатокот од млекото, шеќерот и малку сол, додадете го надојдениот квасец, па полека додавајте брашно и масло со постојано мешање со дрвена лажица. Оставете го тестото на топло за двојно да се зголеми и повторно премесете го. Развлечете го во кора со дебелина еден сантиметар и со чаша или со модла вадете ги крофните. Оставете ги да надојдат уште половина час, а потоа пржете ги во врело масло. Горната страна (надојдената) ставајте во маслото. Кога ќе се испржат, наросете ги со шеќер во прав во кој сте го додале ванилиниот шеќер. По желба, со шприц наполнете ги со џем или сладок крем. Добар апетит!
