Потребно:
- 400 мл млака вода
- 1 лажичка шеќер
- 2 лажички сол
- 8 гр сув квасец
- 1-2 лажици масло
- 550 гр брашно
За полнење:
- Кисела павлака
- Фета сирење
Подготовка: Во топла вода додадете ги квасецот и шеќерот, па измешајте. Потоа додадете брашно и сол и замесете тесто. Намачкајте го со масло и ставете го во сад, па покријте го со проѕирна фолија и оставете го на топло место да стаса околу 20 минути. Поделете на 12 дела од кои ќе обликувате топчиња. Во еден сад измешајте го издробеното фета сирење со павлаката. Земете едно топче, малку намастете ги рацете, па развлечете го што потенко. Филувајте, па малку превиткајте ги рабовите и свиткајте во ролна. Направете го истото со сите топчиња од тестото. Пржете ги во загреано масло. Добар апетит!
