РЕЦЕПТ НА ДЕНОТ: Полнети печурки со крем сирење и ореви

Кога ви треба брзо и вкусно јадење, тогаш полнетите печурки се вистинското решение. Можете да ги наполните со разни филови, а наш предлог е овој со крем сирење, пармезан и ореви. Полнетите печурки се многу едноставни, а состојките генерално не се скапи. Може да се јадат за појадок, ручек, вечера или како предјадење.

Потребно:

  • 20 печурки
  • 2 лажици путер
  • 2 чешниња лук
  • 1/2 кромид
  • 1/2 лажичка сол
  • 1/4 лажичка црн пипер
  • 110 гр крем сирење
  • 1/3 шолја пармезан
  • 1/3 шолја сечкани ореви
  • 1/4 чаша ситно сечкан свеж магдонос

Подготовка: Одвојте една лажица пармезан и една лажица ореви. Исчистете ги печурките и извадете ги стеблата. Стебленцата ситно исечкајте ги, па пропржете ги во тавата во која сте го стопиле путерот. Потоа додадете лукче, сол и бибер, па оставете уште неколку минути. Тргнете го од шпоретот. Во друг сад измешајте крем сирење, пармезан, сечканиот магдонос и оревите. Добро измешајте, па наполнете ги печурките и наредете ги во подмачкана тава. Посипете со сечкани ореви и пармезан, па печете во загреана рерна на 200°C околу 20-25 минути. Готовите печурки наросете ги со магдонос. Добар апетит!

ПОВРЗАНИ НАПИСИПОВЕЌЕ ОД АВТОРОТ