Потребно:
- 1,5 чаши брашно
- 300 гр шеќер
- 60 гр какао во прав
- 540 мл вода
- 1 лажичка сода бикарбона
- 1 лажица сок од лимон
- 3 лажици масло
- Прстофат сол
- Ванилин шеќер по вкус
- 25 гр нишесте
- 300 гр вишни
- 2 гр растителен желатин
- 30 гр посно чоколадо
Подготовка: Во сад измешајте го просеаното брашно, 180 гр шеќер, 40 гр какао во прав, сода бикарбона, ванилин шеќер и сол. Потоа додадете сок од лимон, масло и 250 мл вода. Тавчето за печење обложете го со хартија за печење, а потоа излијте ја смесата за колачот и печете на 180°C околу 40-50 минути. Оставете ја кората да се излади и отстранете го површинскиот слој, но не го фрлајте. Во тенџере сипете 200 мл вода, додајте 200 гр вишни, па ставете на средна температура и почекајте смесата да зоврие, а потоа испасирајте ги вишните низ цедалка. Додадете 60 гр шеќер и повторно ставете ги вишните на тивок оган, па додадете го нишестето. Мешајте 15 минути на тивок оган. Кога малку ќе се излади, со миксер се мати смесата со вишните околу 10 минути додека не стане фил. Растителниот желатин потопете го 5 минути во 50 мл вода, ставете го на оган, почекајте да зоврие, варете неколку минути и истурете го во смесата со вишни, па измешајте ги состојките. Во филот од вишни додадете 100 гр одмрзнати и исцедени вишни и убаво измешајте. Во филот од вишни ставете малку од површинскиот слој на кората што ви остана настрана. Премачкајте преку кората. За глазурата измешајте 60 гр шеќер, 40 мл вода, 20 гр какао во прав, мешајте на тивок оган додека не добиете хомогена смеса, па тргнете од оган и додадете го чоколадото. Со глазурата прелијте го колачот. Оставете да отстои неколку часа во фрижидер. Добар апетит!
