Потребно:
- 200 гр леќа
- 700 мл вода или бујон од зеленчук
- 1 ловоров лист
- 1 краставица
- 1 црвена пиперка
- 1/2 кромид
- Сечкан свеж магдонос
- 5 сечкани листови нане
- 50 гр иситнето фета сирење
За преливот:
- 60 мл маслиново масло
- 2 лажички кора од лимон
- 2 супени лажици сок од лимон
- 1 лажичка сенф
- 1 лажичка мед
- 1 чешне лук
- Сол
- Црн пипер
Подготовка: Во големо тенџере измешајте ја леќата, водата или бујонот и ловоров лист. Оставете да зоврие на средно-силен оган, а потоа намалете ја топлината и оставете да се вари 15 до 20 минути или додека леќата не омекне. Не ја преварувајте бидејќи леќата ќе стане кашеста. Додека леќата се готви, направете го преливот. Во помал сад или тегла измешајте маслиново масло, кора од лимон, сок од лимон, сенф, мед, лук, сол и бибер. Оставете на страна. Кога леќата е готова исцедете ја и фрлете го ловоровиот лист. Исплакнете брзо со ладна вода и префрлете во поголем сад во кој ќе ја правите салатата. Во садот додајте исечкана краставица, црвена пиперка, црвен кромид, магдонос, нане и фета сирење и измешајте. Прелијте со преливот и мешајте додека убаво не се соедини. Послужете веднаш или оставете да отстои 30 минути за да се спојат вкусовите. Добар апетит!
