Потребно:
За филот:
- 400гр мелен мак
- 150гр шеќер
- 50гр гриз
- 300мл млеко
За тестото:
- 200мл млеко
- 1 лажица шеќер
- 1 лажичка сув квасец
- 1 јајце
- 1 белка
- 125гр путер
- 500гр брашно
- 1 жолчка за премачкување
Подготовка: Загрејте го млекото за квасецот, а потоа веднаш ставете го млекото за филот да се топли. Во топлото млеко се ставаат квасецот и шеќерот и се остава да се олади. Макот, шеќерот и гризот се мешаат, па се посипуваат со врелото млеко. Се меша и се остава да се олади. Може повремено да промешувате, за побрзо да се олади. Во сад ставете го брашното, додадете го путерот и јајцето и белката, па налејте го најдоениот квасец. Прво измешајте со дрвена лажица, па после месете со рака. Тестото убаво измесете го. Филот оставете убаво да се олади, а тестото покријте го со кеса. Поделете го тестото на два дела. Во тавчето ставете хартија за печење. Од едниот дел развлечете кора во ширина на тавчето. Нанесете половина од филот и свиткајте ролат. Полека префрлете го во тавчето. Премачкајте со жолчката. Малку со вилушка избодете ги и ставете ги да се печат во загреана рерна на 180 степени, околу 40 -50 минути. Добар апетит!
