Потребно:
- 200 гр мелени бисквити
- 100 гр путер
- 500 гр крем сирење
- 200 гр шеќер
- 4 јајца
- 1 лимон (сок и рендана кора)
- 1 лажичка ванилин шеќер
Подготовка: Бисквитите убаво измешајте ги со растопениот путер. Лесно подмачкајте го дното на калапот и обложете го хартија за печење. Добро притиснете ја смесата со бисквити и оставете ја во фрижидер додека го подготвувате кремот. Изматете го сирењето со шеќерот за да се добие мазна смеса. Додадете ги јајцата едно по едно, постојано мешајќи. Додадете сок и кора од лимон и ванилин шеќер и добро измешајте. Прелијте го кремот врз подлогата од бисквити. Се пече во загреана рерна на 180 °C околу 40 минути. Добар апетит!
