Потребно:
- 500гр кравјо сирење
- 100гр горгонзола
- 4 црвени пиперки
- 1 јајце
- 1 лажица сув зачин
- 2 лажици маслиново масло
- Сол
Подготовка: Пиперките цели проварете ги околу 5 минути во малку солена вода и веднаш изладете ги со ладна вода. Исечете ги по должина и исчистете ги од семките. Со миксер убаво измешајте ги кравјото сирење и јајцето, горгонзолата исечена на коцки и сувиот зачин. Распоредете ја добиената смеса во половинките пиперки и ставете ги во намастен огноотпорен сад. Печете во загреана рерна на 200 степени, околу 20 минути. Добар апетит!
