Ново истражување потврди дека возраста е важен фактор кај КОВИД-19, и дека лицата помлади од 20 години имаат два пати помал ризик да заболат, од оние на возраст над 20 години.
Истовремено е утврдено и дека уделот на пациенти кои развиваат симптоми на болеста изнесува 21% во возрасната група од 10 до 19 години, додека кај повозрасните лица над 70 години се искачува на 69%, покажуваат резултатите објавени во списанието Nature Medicine.
Овие резултатите покажуваат дека “мерките кои целат на децата може да имаат релативно слаб ефект на намалувањето на трансмисијата“ на новиот коронавирус, заклучуваат авторите на истражувањето, во време кога во многу земји се водат жестоки дискусии за повторно отворање на училиштата по карантинот.
Истражувувањето го спровеле научници од Школата за хигиена и тропска медицина во Лондон, кои развиле математички модел на основа на возраста користејќи податоци од шест земји – Кина, Италија, Јапонија, Сингапур, Канада и Јужна Кореја.
Многу научни истражувања досега покажаа дека децата се помалку подложни на КОВИД-19 од возрасните, а се уште не се знае зошто.
Научниците исто така симпулирале епидемија на КОВИД-19 во 146 главни градови шорум светот и заклучиле дека очекуваниот број на заразени, без контролирани мерки, варирал зависно од возраста на популацијата. Колку просечната возраст на населението била поголема, толку е поголем бројот на заразени по жител.
