Што да направите кога бебето не сака да заспие

Ритуали пред спиење и некои правила околу спиењето исклучително се важби за вашето бебе што помирно да спие

Вашето дете делува отсутно, ги трие очињата и како да не може да одржи концентрација. Тоа е јасен знак дека дошол моментот кога би било добро да се поготви за спиење. И тоа веднаш, без одложување. Оти ако го прошуштите тој идеален момент, работите подоцна може да се искомплицираат. Сигурно и сами знаете дека од замор навечер само што не сте заспале на троседот, а потоа сте се сетиле дека треба да измиете заби, па станувате, се миете и легнувате во кревет, но следниот час сонот никако да дојде. Исто е и со децата. Ако сте го пропуштиле иделаниот момент, подобро поиграјте уште малку со детето и почекајте ја следната дремка.

Обидете се со некоја смирувачка музика или пејте приспивни песни

Смирувачката музика делува на секого, па и на децата. Но која музика да ја изберете? Најдобро тестирајте на вас. Ако ве смирува некоја класична музика, тогаш така веројатно ќе делува и на вашето дете. Ако ова не ви успева, тивкото пеење мора да даде резултат.

Кои се тие совршени услови за успивање?

Многу родители грешат кога на своето дете му создаваат совршени услови за спење кои подразбираат тишина, мир и затемнета просторија. А, всушност, децата сакаат звуци на кои се навикнати во својот дом, гласовите на родителите… тие звуци ги смируваат и им зборуваат дека во домот не се случува ништо што не е вообичаено. Освен тоа, децата не сакаат темница и неретко се плашат од неа. Затоа полесно ќе заспијат ако им оставите запалено мало светло.

  • Внимавајте на температурата на собата во која спие детето
  • Кога е јасно дека на детето му спие, пробајте го овој трик. Галете го детето по глава, задржете ја полната површина на дланката на брадата на детето и помалку милувајте го по челото и преку очите. Детето така ќе се смири и ќе заспие.
  • Дозволете им некогаш и успување во раце.